WWW.TUNGZANGNEWS.COM

 
A. Phil lei leh Kamdawn sumzeek ding.Tuithang gunlei tun a om Tongsial khua ah paitoh nading Phil lui leibawl na ding in Tein 2000 kiim khia cih in kamdawn Tedim ah thu thang hi. Tua tawh kizom thu in athu kikan ahihhang Myonee pan in mipi theihding in aki gensang in Nasem ding Leibawl leidawh ding Company te tawh kiho nalung ngulh zaw uh cih kiza hi. Hih Phillei bawl ding in abawl nuam nasem nuam Company te kituh zel uh ahihi. Zomite Khantoh ...na ding hong kipia zong in kisem theikim lo kibawl theisiam thei kimloHi. Ahizong khut mowl hon te nasep piak ding zong kisam cih mipi tungpan kiza hi.Lambu Engineer kua in makai in banghun sem ding a, baghun zong ding cih mikuihna ding Company te khua kha hun laitak cihi.

B. Champhai paina lam pi khat kipuah ding.

Cingpikot khua leh Muallum kikal Gamgi lui acih na pan kipan Mualnuam B, Mualnuam A, Guasing khua khen Lentang mualdong Lampi puah ding thu om a, Lampi phuah hun ding akitheih nailo hang in Tedim khua Zomi neihsa Kazaitha Company te in in gam khantoh nading ahih nak leh sep nopna nei zo cih Tedim khua ah ging hiauhiau zo ahihi. Hih lampi tai kawk kua kim pha ding ahih ban ah ah leigil sitset 10 ft in bawl ding ahihi. Nasep nading sumbang zah tawh kisem ding cih kigen siang nailo ahih man in mipi tha lawpsak na ciang bek in athu kiza sak bek pan kigen hi.

C. Tedim leh akiim ah Innthak kilamtam' Nasem te'n nitha khan

Tedim khuapi leh akiim om khua ta te ah leisan leh Suangte tawh innlam kitam ta hi. Adiak in Biak inn te Zum inn te, Ai tuam inn te ah Leisan leh Suang te tawh inn kilam ta hih man in Leisan ciang siam nasem mi kitawm na leh nasep tamloh na hang in Payan te in anitha uh khang sak uh cihi. Payan nasem Makai te nikhat in 13000 bang in sem ta uh a, anungzui te tul 7,8, 9, tulsawm ciangbang in sem uh cihi. Ahin zong Payan nasem te in gamdang nasep bang in ahun bit daak 8 sem kimzo taktak lo uh ahih man in Nasep nei te'n dinkhawlsak thei cih kiza hi.

D. Meitei gun tuidaal pi pan bang na kisem ding.

Kalay myo tawh kineh Meitei gun tui daal pi 2004 -2005 kumpan in kipan ahihi. Tua kiim teng acre 4300 lou tui piak na in zong kizang khinzo hi. Tu in Meitei gun tudaal pi pan in Khuaphe meitha Megawatts 380 leh kumsim khuaphe meitha avangkim tehna 1903 Kilowatts kingah khiathei ding hi a, Kyats 131000 Million/ $ 152 Million bei in kibawl ding cihi. 2016-2017 kum ciang nasep zawh ding in gelna om cih khuaphe mei thusa pawl Union Minister U Khin Muang Seo in gen khia hi. Hih nasep na ah Sein Enterprises Development & Investment Chinna pan in China Harbour Engineering Company (CHEC)te'n sem ding uh hi. Gamsung pan in Meitei gun tuidaal nasem MEGA Resources Company leh Korea pan in HANSHIN Engineering & Construction te in sem uh hi napi in matunlo ahih man in 2014 July 19 ni in nasep gilo ci in kihawl khia cihi. Kisem kik mah leh zong Zogam sung ah ineih sa guitui kinop tuam nailo ding hilai tuak in thu ging khia hi.




Hau Thang

 


Comments




Leave a Reply