WWW.TUNGZANGNEWS.COM

 
A. Tedim Kam Hau Tualpi kiim singno kisuan.

23/8/2014 ni Kam Hau Tualpi veng Khangnote in Kam Hau tualpi kiim teng ah singno kung 100 suan uh hi. Khangno te bek hi lo inn Sakollam Hausapa Pu Zam Hen Thang ngiat in makaih in suanpih hi. Singno kisuan khitciang in a kuanteng Hausa pa in moh leh niang tuivak hi. Singno pen Tedim Forest zum aate thusiam na hang leh Tg. Kham Khan Khai thusiam in hang in kingah hi. Kum lui lam in zong singno kisuan aa a kisuan na munteng ah Leibuate in lei navuk kha a hih man in hingzo lo hi. Singno pen Phuitong , Sengpaan leh Taakkung te suan uh hi.

B. Sakolam Baptist Church ah Youth Concert omding.

24 Aug 2014 tunitak Tedim khuapi bup Khangno te in Sakollam Baptist Church ah Youth Concert bawl ding uh hi. Nitaak daak 7:00-10:00pm hunsung hi ding a, Sya Thang Pian Lian in Khantohna leh Zomi Khangno cih thulu thukihilh hanthohna nei ding uh hi. Lasa ding Tedim khuapi sung om pawlpi tuamtuam pan hi ding cih kiza hi. A ut khempeuh lutman kila lo ban ah sumpi zong kidon omlo ding cihi.

C. Open Talk on Literacy Facing Zomi Youths Today.

Zomi Youths Association(ZYA) Tedim makaih na tawh 31 Aug 2014 nitaak lam daak nih hun pan kipan in Open Talk Literacy Facing Zomi Youths Today cih thu tawh lailam nasep kitha piakna om ding ahihi. Amunding in Zogam villa CSO Hall hi ding a, Laigelh siam minthang Sya G.S Pau in makaih ding ahih man in alunglut khempeuh kipai thei cih thu The Tedim Post in hawm khia ta hi.

D. Malaysia om Zomi ten Khuado lopna tuukpeeng suih kipan

Malaysia gam sungom Zomi khempeuh in Zomi ngeina anlakzawh khuado pawipi October 15 ni-in nasiatak in Chinwoo stadium ah bawl ding uh ahihi. Khuado lopna ding in Zolia & Zotaang kidem na leh kimawlna bawl uh a, ZAM, Zomi zumpi makaihna tawh tu in Khuado lopna tuukpeengsuih ( Zomi League) 24 Aug 2014 ziinglam daak 9:00 in kipansak ta hi. Nop cii mahmah in Thangho leh Liando tualpi ah kimawl ziahziah ta uh ahihi.


Hau Thang

 


Comments




Leave a Reply