WWW.TUNGZANGNEWS.COM

 
Thuthak Tomkimcing 5 Aug 2014A. 

Zomi te la, Zola bekbek Dawng 5000 labu kibawl.Tanglai Zomi te in laineih loh hun in athucin nasung apan athupi penpen khangkizom thu kivaikhakna La-cin , La-tang Zola bekek Dawng 5000 bu kibawl khia hi. Hih Zola bekbek dawng 5000 na hongbawl khia pen Lailo khua mi Pu Gin Suan Thang ahihi. Kumsawm sung mahmah akaih kop Zola bekbek hi zen cihi. Hih sung ah, Tonla, Galla, Sala, Khuado la, Lohun la, Lawn ngaih la, Lunglen la, Zawlhel la, Mohel nala, Modot nala, Mopi nala, Gualnopla, Zukholhla, Pute la, Tute la, Khuai la, Taangza la, Sawngla, Latung, Laphei, Zola gualnuam, leh adangtuamtuam tampi om cih kiza hi. Abu gol in sah mahmah ahih man in adeih taktak te bek mah leihuai hi. Kikawm doidoi kiphal lo ding cihi. Tu hun laphuak nuam tampi te in lakam zon nading in zong hoih mahmah cihi.

B. PR tawh kipawl deih loh na in Yangon khuapi sung lawhta.
Proportional Representative System tawh kipawl in ki makaih zia ding deihloh na Yangon Seolee mai ah mi honkhat in nasiatak in 5 Aug 2014 in awng ziahziah ta uh hi. Apai khempeuh in PR laidal pi asan tawh akigit tan tawi tek uh a, T shrit puan te asilh uhi. Khangno pawl khat in alutung ah PR deihlohna liim tawh sammet vivuu uhhi. PR pen Mualtung mite lungdeih Federal awmtal muktu theithei nading gimna in mipi in mukhia a deihlohna awng khia giapgiap uhhi.

C. Banggaladesh Tembaw kibungh mi 122 tuisung mangcip
Tuuk hun sung Bangaladesh ah gun dung zang in lampai khualzin tam mahmah ahihi. 5 Aug 2014 in Tembaw van tampua tamlua khat guntui sungtum ahih man in mi 100 kiim angei om te hon khia theibek uh a, 122 mimal te koi lamtung kizong theitalo in om lel uh hi.

D. Kum 26 Cinna 8888 kibawl sawm
Myanmar gam Demoracy kiuk na deihna tawh Siamsin sang naupang te 8888 buai vai in kumsim toto uh a, kum 26 acing tapetpet hi. Tukum Aug 8 ni teh Myanmar gamsung mun tuamtuam khuapi te ah 8888 kum cin na bawl ding in kigingta mahmah san uh hi.

Hau Thang

 


Comments




Leave a Reply