WWW.TUNGZANGNEWS.COM

 
Tulaai Leitung Thuthang Tuamtuam Updates August 1, 2014

·      Africa gam nitumna lamteng ah Ebola kici natna lungno khat hang in tukiim teng in mi 729 sikhin a, hihnatna peen kilawh baih mahmah in natna lungno angahkhate lua in sipahpah ban ah adalna ding zatui kimzonaai lo hi. August 1,2014 ni in Atlanta khuapi USA ah hihnatna angahmikha Africa gampan kibawlding in ongciah a zato ah kibawl laaitak ahihi. Hihnatna abanpai loh nading in US kumpi te in ahanciam laitak hia  mipite kidawmding in zong August 1,2014 ni in hanthawn uhhi. Zopau in pulnatna namkhat ahihman in thungetna ah phawk ciat ni

·      Ukraine gam Malaysia vanleeng kiatna mun ah Australia leh Dutch mipil misaim 70 te in mihing khentelna aninihna August 1 ni in zomto uha, zinglam in Ukraine gaalkaap te Russia deih tapongte in na Ambush uh ahihman Ukraine gaalkaap 10 si in 15 mangthang uh ahihman mizong mipilte patau nasep suak theilohding patau mahmah uhhi.

·      Taiwan gam Kaohsiung khuapi ah July 31 zan in Gas puakkham a mi 25 si in 265 nasiatak in meikaanggawp liam gawp uhhi. Banghang a hibang in Gas puakkham theihiam cihthu kumpi thuneite in akansan laaitak uh ahihi. Tutung ah angah vei puahkhapna hi a mimal Awn 2.4 ateenna khuapi khat ahihi.

·      Gaza gaalkidona nai 72 sung mipite kihepnading in tawlngading ci in Hamas leh Israel te August 1 ni pan thukimna ngah uh himah leh thukimna angahzawh uh minutes 90 ciang in Israel gaalkaap Hadar Goldin kum 23 Palestine gaalkaap  te in na hingmat uh ahihman in Gaaldona kizomtosuak a, August nikhat ni bekbek in Israel gamsung Thautang 50 vaal tu in Palestine mi 100 Istrael ten go man uhhi. Kaal 4 sung Gaza gaal sung ah Israel te 66 sita in Palestine te 1,600 si in 8,400 liamta uhhi. President Obama, UN te in hih Israel gaakaap Hamas te mat nawhsatak akhahkik nading un ngetsak uhhi.Ahizong in Hamas ten ahihleh kotheikha kei ung Kaman kei uhhi ci in August 1, 2014 ni in thalnial uhhi.

·      Vietnam gam Hanoi khuapi ah Japan Foreign minister Fumio Kishida leh Vietnam uliante August 1,2014 ni in kimukhawm uha, South China Sea sung a kiphasak mahmah China te vik nading in Japan te in Gaaltembaw pi 5 $5 million man piakhia ding ci in taangkokhia uhhi.

·      NLD makaai Daw Aung San Suu Kyi ( Pi Suut Cing ) in August 1,2014 ni in Nipyidaw Hlutdaw huangsung ah thuthangkan khiat te tawh holimna tomno khat bawl a, Kawlgam makaai ten bangbang ikawigen zong in izia itong ikitheihsa hi in House Speaker, President, Chief Military leh Daw Aung San Suu Kyi kikumkhawm a vaaihawmna aneihkhop kei leh Kawlgam peen apaipai hilel hi ciin genkhia giap hi. 2010 kummasiah kawlgam politics peen Nationalities, Military Junta leh NLD kimuh khopmasiah kawlgam nuamloding kici in tun Nationalities mang in 4 ah ongkhangto ahihman kawlgam politics peen ngaihsut huai mahmah khat omhi. Daw Aung San Suu Kyi gentawh kizawitawn in President U Thein Sein in August 1, 2014 khasim Radio tawn in athugenna ah kasawmna ataangtungzonai pawlkhat om ci in athaneemna pulaakkhia hi.

·      US Secretary of State Mr John Kerry July 30 nipan India gam New Delhi khuapi sumle paai vaai kikumding in tungzual a, August 1, 2014 ni in India gam nithum ataamni in Prime Minister thak liklek Narendra Modi tawh kimu uhhi. August sung teitei in Kawlgam zong ongbang zual in Pi Suu Kyi vanam pakding cihbangdan khat in VOA ten gen uhhi.

·      Japan leh China, Taiwan gamte akituh denkeeina uh ahi South China Sea tung a om Tuikulh 150 vaal lak ah alianzaw deuh 5 te Japan gamte in aminphuak in agamlim uh ah helding ci in August 1, 2014 ni in taangkokhia uhhi. HIhthu hang in Japan,China leh Taiwan gamte ongbuai mahmah khading ci in gamthuthei te in genciat uhhi.

·      Nepal gam Kathmandu khuapi pan tai 75 na Sunkoshi gunpang teng August 1, 2014 ni in nasiatak in men kicim a tulian in misi luang 4 kimuphot in tamkhopkhat sikhading ahihman kizong saanlaaitak hi ci in kumpi thuneite in genkhia uhhi.

·      China gam Jiangsu province Kunshan khuapi sung a om Mawtaw vantuamtuam bawlna company khat August 1, 2014 ni in meikang ahihman in puakkham ek a, mi 65 si in 100 liam uhhi. HIh company ah naseem 450 pha uha, General Motor van atamzaw bawl uh ci uhhi.

·      Kawlgam kumpi ten bang thusuak ngah mawkmawk uhhiam August 1, 2014 khathak muakna daan in gaalkaap sung a amatcip uh kumcinglo gaalkaap 91 Yangon khuapi pan khahkhia uhhi. Pu Thein Sein khanzawh naupang gaalkaap akhahkik 364 cingta hi. Hih matcip kumcinglo naupang te kaawlkumpi khahna hang in kakikpaak mahmah uh cih UN te in taangkokhia uhhi.

Lungdam

Thang Khawm Pauzomi

http://zomipausektak.blogspot.com/2014/08/tulaai-leitung-thuthang-tuamtuam.html


--


Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply