WWW.TUNGZANGNEWS.COM

 
Tulaai leitung Thuthang Tuamtuam Updates August 11,2014

·      Israel leh Palestine te nai 72 kilemna aninihna August 11, 2014 ni ciang kikapkikna omlo in manphotphot uhhi. UN ann lamtawh kisaite in Gaza khuapi sung a micimawhte Ann alomlom in puak kipanziahziah uhhi.Nai 72 sang asauzaw kilemna aomtheihna ding in Egypt gam Cairo khuapi ah Hamas tetawh kihoding in Israel thuneite akuan laaitak uhzong ahihi. Israel Ulian te genna ah Gaza sung huhnading a aluut leisek leh amahna te mipiphat tuamnading bek a zang a Khamulkua ding khawng a zatlohding thupi mahmahding ci in gen uhhi.

·      Iraq gam khunglam Mosul khuakiim teng Muslim migilo te bawlsiatding lau in gamsung ah abu micimawh 650,000 tulian in oma tuate ading in adiak in neek le dawn kitaangsam mahmah ci in August 11, 2014 ni in UN te in taangkokhia uhhi. Hih mipite peen atamzaw Christian biakna azuite ahi uhhi.

·      Ukraine gam nisuahna lam a om ahi Donetsk khuapi sung kiu 4 pan Russia deih thautawi te in nasiatak in doding ahihman in mipite kiheemding in Ukraine gaalkaap maangpi Andriy Lysenko in August 11, 2014 ni in genkhia hi. Russia President Putin in Ukraine gamsung a cimawhte huhding in ICRC te kapuakding ci in August 11, 2014 ni in genkhia hi. Ahizong in Ukraine,EU,US te in Russia te in gaalvan apuaknopman hiding ahihman sanhuailo ci in nial uhhi. Akizom mah in Russia ten Ukraine gamgi a om agaalkaapte uh samkik naaikei ci in NATO ten genkhia uhhi.

·      Thailand kumpi (King ) Bhumibol Adulyadej kum 86 buhman nekhial hiam gilna in August 6 ni in Bangkok khuapi aom Siriraj Zatopi ah kipuak a ni 5 sung alupkhit ciang August 11, 2014 ni in damsiang in innlamzuan kikta ci in Kumpi innpi thuneite in taangkokhia uhhi.

·      USA gam leh leitung ah kineihsiam mahmah a minthang ban ah Oskar minphatne leh academy khat ahi Robin William kum 63 bang lungkhamna nei zanzan hiam August 11 ni in amah le amah nakikhih lum hi. Aluanghuam peen August 12 niciang Siavuan ten semkham ding uha asihna kantel ding uh ci hi. Amahpeen 1997 kum in “ Good Will Hunting” cih thulu Video tawh Academy angah ahihi.

·      Iraq gam sung a Christian te ago ngekngek ahi Muslim tapong gilo te phualpite ahi Sinjar mualtung leh   Amau le amau ki-uk Kurdish minamneu te khuapi ahi Erbil khuapi ni 4 sung US  ten vanlam tawh azialna  mipi tawh khenhak mahmah ahihman in upmawhsang ziakaai ci in Pentagon ten August 11, 2014 ni in pulaak khia uhhi. Ahizong in US te huhna tawh Kurdish minam te in Erbil,Gwer leh Makhmour khuapi te ngahkik uh ahihman in August 11, 2014 ni in gualzawhna pawipi kham ziahziah uhhi.

·      Kawlgam Nipydaw khuapi sung Parliament huangsung ah Upper House Speaker Tura U Swe Mann thukan ten August 11, 2014 ni  in thudotna bawl uha, Tulaaitak a 8888 leh NLD ten kawlgam thukhunpi nambawt 436 puahnading mipi suiahkaih akaihkhopna uh in naseemzoding maw amawknapi hiding ci in adot uhleh, “ Pu Swe Mann in naakpi tak in naseemzo ding hi ci in dawngkik hi.Asawtlo in Upper House ah hih suaikaih te NLD leh 8888 ten ongpuakding uha, thukhat ongpiangding hileh kilawm ta hi.

·      Kawlgam kumpi kilemna makaai U Aung Myint sapna tawh kawlgam sung aom political party 66 te leh kumpi lamte August 11, 2014 ni in Yangon kilemna innpi ah kimukhawm uhhi. Hih khawpi sung ah U Aung Myint in Mualtungmi thautawi te tawh gambup kilemna suaikaih zawh ni 60 khitciang Tulaaitak kumpi thuneite, Kawlgam bup pary te leh Mualtungmi thautawi te kawlgam kalsuanziading nasiatak kikupna omding ahihman in party ten nonghuh uh kuulding ci in vaaikhak hi. Mualtung thautawi pawltawh August 15 niciang Yangon kilemna phualpi ah kimukhawm ding uhhi.

·      Kachin gam Phakant kuamteng ah August 8 in KIO leh Kawlgalkaap te kikaap uha, August 10 ni in zong kikaap leuleu in August 11, 2014 zong kikaap ding in kigemgem keei ci in KIO te in genkhia uhhi. Ahizong hih kikap nasung ah mi bangzah si a liam cih kumpi lam hita leh KIO pan hita leh kuaman genkhiatna nei naailo uhhi.

·      US Secretary of state Mr John Kerry kawlgam ah ASEAN lubawk khawmpi akah sung in Nypidaw ah US ten khalna apiak ahi U Zaw Zaw neihsa   Lake Garden Hotel ah zintung in tuamun mah ah thukantetawh holimna nei ahihman in tulaaitak Kawlgam ah akigensupsup phadeuh leh mipi atampeen in lamdang asak thukhat ahihi.

Lungdam

Thang Khawm Pauzomi

http://zomipausektak.blogspot.com/2014/08/tulaai-leitung-thuthang-tuamtuam_11.html








-- 

Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply