WWW.TUNGZANGNEWS.COM

 
Tulaai leitung Thuthang Tuamtuam Updates August 20,2014

·      US gam sung ah Innzuak Puaisa leh pilna nei atam mahmah hang katheih zawh a Zomi te deihsak a athei bangbang onghawmkhia nuam Pa Thang Pil Mung in Webinar tawh Inn lei nuamte leh aleikhinsa te theih huai thute asawtlo in ongbawlding a akiheltheiding mi 9 bek kisam laai ahihman in amanlaag tak in hiah https://docs.google.com/forms/d/1f7WzJZe8C9A76EfoBfryyjHpWTo_o_3kph3N75sCapQ/viewform

 Register nabawl peelmawh in.  Zomi te peen Inn khawng ileipong sam hang Loan leh Mortgage cih nangawn akhensiam naailo te ihihman in hihbang thuhoih khahsuah kei ni. Zomi it veitaktak icih hibangte ahihi.

·      Africa gam ah kum 2 sungbang naseem aom kawlgam mi kum 22 dingkhat August 19 ni in Yangon khuapi damlo sa in ongtung a Ebola natna hiding in ummawh uh ahihman in Thai leh Kawlgam te buai man mahmah uh hiven August 20, 2014 ni in si asit uhleh nattut natna nahibilbel ci uhhi. Ebola natna tawh misi 1350 phata ci in WHO ten August 20, 2014 ni in genkhia uhhi.

·      Ongtungding December kha kiimpawl ah Kawlgam sung a akisam taangmi kaallak kiteelna ah ademding in NLD party ten ademdingte min September 15 niciang taangkokhia ta ding ci in August 20 ni in taangkokhia uhhi. Kawlgam bup ah Taangmi tutna 30 awng a Tedim ah 1 hi in ademding in ZCD pan Pu Chin Sian Thang keeksa in aomlaaitak ahihi.

·      Nungkha sung in New York state US a minthang simsim vanzuakna Marcy’s te company ah US kineihsiam mivom Rob Brown leh mikaangpau siamlo Spain tekhat mivom leh mikaangpau siamlohna hang in namuhsit bawl uha, Credit card gu ci in ngahpong in palikte naman sak uhhi. Lawmte zong lungkimdello in thu abawl uhleh, US thukhen zumte in Marcy te khialsak in $650,000 piakha ding in August 20 ni in thukhen hiau uhhi. Cih nopna ah US gam ah navun, napausiamlohman leh na neu keukau hang ongkisim mawh leh sumtha lawhna hoih mahmah khat hi cih agennuam ihihi.

·      US Attorney General Thusuutsiam Maangpi Eric Holder August 20 ni in nungkaal a kikaaplum mivom tangvaalnopa khua Ferguson ah tung a akikaplum pa innkuanpih te leh kumpi thuneite tawh kimukhawm hi. Eric in hih kithahna ah maantak leh tangtak in thukankhia ning ci in kamciampia ahihman mipi daaizawdeuh ta uhhi.

·      Guatemala gamte I gaalkaap Maangpipa ahi General Rudy Ortiz Mexico leh Guatemala gamgi ah  Helicopter tawh aleen laaitak avanleeng kia in atuanpih gaalkaap 4 tawh August 20 ni in sikhawm uhhi. General Rudy Ortiz peen gaalkaap maang kum 31 aseemkhin hi a Nywin te Than Swe te bangbel hisamlo hi. Vanleeng kiatna ahang kitheinaailo a kumpi thuneiten akan san laaitak ahihi.

·      Thailand gam kiteelpi masung Prime Minister aseemding in Thailand gam thuneihna asutkhia gaalkaap Maangpi General Prayuth Chan-ocha Thailand Assembly  in August 20 ni in thukimtak in teelkhia uhhi. Amahpeen King I thukimna angahkhit ciang kiteelkikdong Prime Minister aseemding hi a 2015 kum sung in gambup kiteelpi na bawlding uh ahihi. Kawlgam mahtawh akisuul zuih toto dan uh himawk ei

·      Hamas migilo te in Gaza pan Israel gam Rockets tang 137 lotto uh ahihman in cimnuai a sakibaak geltui a kithun acihbang in Israel Vanpan Beltung 92 vei August 20 ni in khiatsuk kik uhhi. Tuaban ah Israel Prime Minister Benjamin Netanyahu in  nasiatak in atung anuai tawh Gaza simding Israel gaalkaap te August 20 ni in thupia hi. Israel mite leh Israel gam lungmuanhuai tak a ka om theihdong uh gaaldona kikhawlnawnloding ci in genbeh hi. Gam 15 kipawl UN Security Council in zong asimtham meeting bawlkhuankhuan uhhi.

Lungdam ei

Thang Khawm Pauzomi

http://zomipausektak.blogspot.com/2014/08/tulaai-leitung-thuthang-tuamtuam_56.html

 


Comments




Leave a Reply