WWW.TUNGZANGNEWS.COM

 
Tulaai Leitung Thuthang Tuamtuam Updates August 3, 2014

·      Bowling Green Kentucky state ah Zomi Innkuan Kentucky vaaihawmna tawh Pu Gin Kam Lian (ZCD General Secretary) te nupa tutkhoppihna nasiatak in August 2 2014 ni nitaak nai7-11 dong ZMBC Biak inn ah kinei in ZIKY pan Pu Gin Kam Lian kiphuah zolapi sakna, thudotna, dawnna, hanthotna te nasiatak in kinei hi. August 3 ni Sunday zingsang in Zomi sung ah Khangno lasiam mahmah Tuatuang leh alawmte Nashville khuapi pan Bowling Green onghawhto in ZMBC biak in Pu Gin Kam Lian tawh hanthotna tomnotuak leh Pasian minphatna ongnei uhhi. Video asawtlo in ongsuakding hi.

·      China gam Yunnan Province khanglam teng 6.1 magnitude haat in August 3,2014 ni in zinliing a, mi 381 si in 1,800 liam uhhi. Inn  12,000 sia  ban ah 30,000 kicim in, micimawh tampi om ahihman in tuate honkhia ding in China kumpite in gaalkaap 2,500 puak uhhi.

·      Israel te in Rafah khuapi sung a UN te neihsa sangkhat sung ah migilo thum ahihman August 3,2014 ni in zial uha,mi 10 si in 30 liam uhhi. Mipi te kinaamtaak theihnading ngaihsutna tawh August 4 ni in in nai 7 sung galsim tawlngapakding ci in Israel ten taangkokhia uhhi. Israel misi 66 cingta a, Palestine mi 1,750 sita in 9,000 liam uhhi. Hih misi 1,750 lah ah 330 naupang hi in migilo gaalkaap 400 kiim leh adangteng mipi ci uhhi.

·      Kawlgam mualtungmi thautawi te lutang ahi NCCT te leh Kawlgam kilemna vaihawmpawl UPWC te August 3,2014 ni in Mitkyina khuapi ah kilawmtaatna dan in kimumaimai uha, Kachin gam kumpi thuneite pawlkhat zong kah uhhi. August 11 nipawl in kimuna pi taktak khat neiding in geelna nei uhhi.

Lungdam

Thang Khawm Pauzomi

http://zomipausektak.blogspot.com/2014/08/tulaai-leitung-thuthang-tuamtuam_3.html


--





Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply