WWW.TUNGZANGNEWS.COM

 
Tulaai Leitung Thuthang Tuamtuam Updates August 5, 2014

·      Ukraine galkap te in Russia deih Tapong te ukcipna ahi Donetsk kuamteng lakikding in nasiatak in kitawhite ci in August 5, 2014 ni in pulaakkhia uh ahihman mipite kiheemkhia ding in taangkokhia uhhi. Hih thu tawh kizawitawn pian in Russia te in Ukraine tawh gamgi dung ah August 5-9nidong ni 5 sung Galvanleeng 100 tawh galdodan exercise bawlding ci in taangkokhia uhhi.  Tuni August 5 ni in Russia deih tapong te leh Ukraine te kidona hang in Ukraine paltan 9 si uhhi.Hih kido sung in Russia gamsung Ukraine paltan 311 tapongte doding in luut uhhi. Maban muhnop mahmah ding hi.

·      Africa gam nitumna gamlam teng ah Ebola natna hang in misi 900 tungto ta a upmawhna sang in khanghanhan hi. Liberia gam ah Missionary asem US Siavuan khat zong hihnatna kilawha US gam ah kibawl in August 5, 2014 ni in noptuam lam manawh ci uhhi. Nungkha sung Africa gam azin New York  khuapi a teeng papi khatzong ngaplo aihman August 5, 2014 ni in Ebola kilawh maw kilawhlo cih sitpah uhhi. Hih Ebola natna lungno daalnading in World Bank te in $200million piakhia ding in August 5, 2014 ni in taangkokhia uhhi. Ebola natna veite omdan lian a ana khat Pyidawtha khua ah oma, anatzawh nai 8 ciang in leitung nusia hi. Hih lungno aveikha te peen lualua in athabei in silel ci hi. Adamna ding zatui mipilte in muzo naailo uha, lau huai mahmah hi.Tua ban ah hihnatna peen khua ul, ciltui leh sisan te pan kilawh thei ci uhhi.

·      Israel te leh Hamas te nai 72 sung kido kiuhkeuh loding tawlnga ding in August 5, 2014 ni in langnih tuak in thukimnathak khat ngah uhhi. Israel ten khamul khuahawm teng zong susia zokhinta  uh ahihman in leh nai 72 kilemna omding ahihman in a gaalkaap kheempeuh uh Gaza pan samkhiakikding ci in August 5, 2014 ni in taangkokhia uh a ciahpah naainaai uhhi. Hih galdona sung ah July 8 nipan tuni August 5, 2014 ni ciang Israel minam 67 si uha, Palestine minam 1,800 si uhhi.

·      US kumpi te in Israel tezat thautang daalna or abengkhia Iron Dome behlap nading in $225 million piakkhiat ding in August 5, 2014 ni in thukimna nei uhhi. Tusung Hamas tawh kido nasung ah zong hih Iron Dome te in Hamas ten Israel akaapna Rocket alangphial nabeengkhia ahihman Israel mipite nuntaakna tampi honkhia hi.

·      Canada gammi nupa nih ahi Kelvin leh Julia Garratt te China gam khanglam ah sawtpi ateenkhit uhciang 2008 kum in Dandong khua ah kisuan in Niangtui zuak uhhi. Hih nupa tegel in China gam in gaalkaap lam thusim pawlkhat leh gu ci in China kumpi ten ngawh uha, August 5, 2014 ni in nasiatak in thudotna bawl in kan uhhi. Canada Chin gam palaai zumten ahizenzen hi a huhding akisap leh konghuhding uh ci in taangkokhia uhhi.

·      US Secretary of State Mr John Kerry ongtungding August 9niciang kawlgam hawhding a ARF  khawmpi akahkawm in Kawlgam thunei te tawh kimuding hi ci in US State Department te in August 5, 2014 ni in taangkokhia uhhi. Kawlgam ah August 10 ciang taamding a tuakhit ciang Australia gam Solomon tuikulh ah hawhding ci in gen uhhi.

Lungdam

Thang Khawm Pauzomi

http://zomipausektak.blogspot.com/2014/08/tulaai-leitung-thuthang-tuamtuam_73.html


--





Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply