WWW.TUNGZANGNEWS.COM

 

Tulaai Leitung Thuthang Tuamtuam Updates August 8,2014

·      Iraq gam khunglam a mi alomlom athat ziahziah ban uha Iraq gam abuluahsawm Islamic tapongte zialding in US President Obama in Vanlam gaalkaap te August 7, 2014 ni in phalna piata hi. Ahizong in ciahna sa ahihman in leilam gaalkaap kapuak keiding ci in genbeh hi.

·      Egypt gamte palaai sepna tawh Israel leh Hamas migilo te Cairo khuapi ah August 7, 2014 ni in kimu khawm uha, Israel ten langnih thukimna ahi nithum kilemna ban khantohding ut himah leh Hamas migilo te utlo uhhi. August 8,2014 Israel-Hamas kilemna abeina nai 3 in asap in Gaza pan Hamas ten Rocket tang 2 tawh Israel gamkhang lam kaap uha, Israel gamcing Iron Dome ten nakapzan hi. Leitung in Israel mawhsak ding akipat litlit laitak August 7, 2014 ni in President Obama in Hamas migilo te Israel nasiatak adona peen khialhetlo uha zong hehpihhuai beklo uhhi ci in Washington DC pan genkhia hi. Hih Israel leh Hamas kido sung in Hamas ten Israel gaalkaap te leh mipi mahmah atamsithei pending in ngim in kaap himah leh Apasian un amundang tusak ci in Hamas ten genkhia uhhi. Kilemna abeizawh minutes 30 ciang in Rocket Gaza pan Rocket len kipanpah zitzit aAugust 9 zingtung lam in tang 5 in Israel gamlam zuanta hi. Athukik nading lawp huai sa mahmah ing.

·      Afghanistan gam ah President ding kituh ahi Dr Abdullah leh Mr Ghanni  meetang manlo vaaitawh abuaina uh thu vatsatding in US Secretary of state Mr John Kerry August 7, 2014 ni in Kabul khuapi zasakkhollo pi in tungvat hi. August 8 niciang Kawlgam lam zuanding ah August 9ni Kawlgam Nypidaw a kibawlding ASIAN lubawk te khawmpi ah vakah ding hi.

·      Ukraine gam buaina sung ah Russia te akigolh nahaang in EU leh US te in Russia gam agaakna thuhkikna in Russia te in nitumna gamlam pan kipuak neekthei kheempeuh leinawnloding in August 7, 2014 ni in thukimna nei uha taangkokhia pah uhhi.

·      Africa gam a mi asisak ziahziah Ebola natna lungno athat theiding USA ten zatui nakhat mukhia uha, US mi Ebola natna angahkhat tung ah azat uhleh damkik hi. Ahizong in hihzatui peen Africa gampuakding eizong imuhtuung ahihteh kinawhlua incin ngaaklaai zekleeng ci in President Obama in August 7, 2014 ni Mivom khawmpi ah genkhia hi.

·      2013 kum a US thusim pholaakkhia in kumpi thusim pawlkhat agukhia Mr Snowden Russia gam ah omtheihna July 31 ni in bei a angetbehna hang in Russia kumpi te in kum 3 sung omtheilaaiding in August 7, 2014 ni in phalna piakik uhhi.

·      1975-79 dong Cambodia gam ah  mi 1 million khatbang athatlum Khmer makaapi adamlaai nihte ahi Nuon Chea leh Khieu Samphan te mawhkei ung citantan tale uh Leitungbup thukhenzumpi te in August 7, 2014 ni in khantawn thongsung ah nuamtak khuasa maiding in thukhen ta uhhi.

Lungdam

Thang Khawm Pauzomi

http://zomipausektak.blogspot.com/2014/08/tulaai-leitung-thuthang-tuamtuam_7.html








-- 

Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply