WWW.TUNGZANGNEWS.COM

 
PictureTZN: Cin Ngaih
US te in IS te kap sawm ahih man in, a kipawl pih ding gam zawn a,  UK leh Saudi Arabia gam te in zong kipawl pih sawm uhhi. Hih IS te in US gam na ngawng vauta uh ahih man in, hih leitung penlung hi mawh n...a din mun ah om ta hi.Hih IS te gamtat na hang in UN in nakpi tak in mawhsak na thu ngen hi.IS te bawl siat te pen,Khristiante, Yazidi, Shabaks, Turkumen, Kakae  leh Sabeans te ahihi. UN te in IS te gamtatna, mi bawlsiatnate limtak in kan in nakpi in mawhsak hi.


US te in Kurdish te leh Iraq te huh in, Musol  kim a IS te 115 vei van lam tawh kap khin tahi.Lamdang thukhat ah IS  galkapte  tawh  numei paslalum khawn ding in Australia, US, UK leh Malaysia pan numei te ki pumpiak uh cihi.Malay gampan numei 50  pha cihi.Tua ban ah IS te tawh galkap nasem khawm ding in Netherlands pan zong  muslimte mi 130 om in, tua lak ah mi 14 si khin in, 30 te inn ah ciah hi cihi.Muslim pawl khat gamdang pai ding a upmawhte uh thusit in khawl sak hi cihi.Gam nih gammi hihna anei pawl khat om in, IS migilo te taeh ki pawl in om uh a,tua te pen Netherlands kumpi in gammi in kisan lo ding hi cihi.

Zani in Syria gam a om Islamist gam nuai mite al-Qaida te tawh ki zom te in Golan a om UN galkap phillippians te 32 um cih uh a, ahih hang Syria  leh Israel galkap te in gam nuai mite a ihmut kal un, hon khia thei hi. ISIS te  in Syria galkap galmatte 250 that sak khin cihi.


Zani  in Pakistan khuapi ah gammi te in PM pa deih lohna lungpho lak na nei in, palik  26 leh mipi 264 te liam hi. Mipi te in  president pa deihlo uh ahih man in khawlta in ci in mipite in lampi dung ah lungsim pholak na nei uhhi.

Russia  te  in Ukrain gam nisuak na lam ah galkap aza lom leh tank a za lompi mah tawh om uh ci in, EU ki muh khopna ah Ukrain president Proshenko ingen in, EU makai Barroso in Russia kumpi te kiang ah ahoihloh lam theihsak na gen in, sumlei sum zuak na lam tawh Russia te koi bang dan in akhauh zaw in khaktan  na bawl leuleu ding hiam  ci in thu kikum uhhi.

CIAMNUIH.

Thangno in asungpa kiang ah, hih gan an ding buhtu tansa te pen nang a ding hi cihi.Thangno sungpa zong buhtu tansa te tang ateh a leh tang zanih pha lo in 120 bek pha hi.Amah zong kaleisa hi buan a ci in lungkim lo sa in , inn ah aciah hi.Inn a tung a leh  a ta nu Thangno zi zongna om a, athu la te gen pah hi. Thang no zi zong heh lua mahmah ahih man in,  inn ah ciah in U Thang bang hang in nang a hong it mahmah kapa lawnlawm na khem  a cih leh Thangno in," midang la khemzo lo ka hihciang, kei a hon it mahmah kasungpa mah ka khem kei a leh" cih san zuai hi.Thangno zizong heh lua mahmah ahih man in,"aw  thei ta ing ei, ei a hong it mahmah te mah khem nop pen ahi ve maw "cihi.

Ei ahong it mahmah ih nu ih pa, mah khem nop pen hi.Ei ahong it mahmah Ih zi ih pasal te mah khemnop pen hi.Ei ahong it mahmah ih ta te mah khemnop pen hi.Ei ahong it mahmah ih lawm ngaih nu/pa mah khemnop pen hi.Ei ahong it mahmah ih lawm  te mah khemnop pen hi.

Mizo te ciannuih bawl siam Pu Thang Kura in " mikhat ka khem a zua ka puah a leh ka zuakhem a man mah ci hi in mi up na ding in,zua sawm vei ka phuah kullai hi cihi.Davib in mi zi tung ah khial in, a khialhna aki theiloh na ding in mithat hi. Mawhna khat ih bawl ciang aki theiloh na ding in mawhna bawlbawl kul lai hi.Ahih hang Pasian in mawhna na mudah mahmah a, Adam mawhna hang mah in,hoih sa in athuphapiaksa,ama bawlsa nate samsia hi. Ahih hang lungsimtakpi tawhmawh na kisikkiknate san hi.Davib zong kisik kik in mi zi tung ah mawh nawnlo in, tapa taimangpa zong kisik kik in tai mang nawnlo hi. Kisikna maan ihcih in mawhnei ih hih lam kitheina, mawhna hang a dahna lehmawhnop nawnlohna lungsim te ahihi.

Ref: jpost, bbc.the times of israel.

Cin Ngaih


 


Comments




Leave a Reply