WWW.TUNGZANGNEWS.COM

 
OBAMA IN GEN KHIA DING HI TA

ISIS te koi bang in do in sim dingcih tawh kisai in Sept 10, 2014 in gen sawm ta hi. TV ah holim a thu dot na ah,Obama in IS te tawh kisai sepkhiat ding te gen nang ah nainganzyi( political), gal tawh kisai, sum lei sum zuak na lam te ah koi bang len in semkhia ding hiam cih te gen khia dingcihi. Obama i IS te kap na ding gelna a neih na te ah UK, Germany, French, Turkey leh Poland te in zong panpih ding hi ung cihi. Zani a Arab league te Cairo a kikup na vuah zong , Arab gamte in gam khempeuh thukim na tawh kizui in koh zong kapanpih dinghi un cihi.

Gal dai na om nading in nung thursday ni in, laibawl khin uh hi mah leh Russia deih thau tawi te leh Ukrain galkap te kikap veve lai uh cihi.Hih thu tawh kisai in OSCE europe gam galdai nang a endik pawl makai Paul Picard i gen na ah kikap na pen omlai hi, ahih hang in kilemna bawl pen siasak zo zah dingin nasia lo hi cihi. Kilemna abawl na hang in Russia gam lam ah galtai a om te in Donestsk ah hong ciahta uh cihi.

Kawlgam ah November kha ciang parliament mun awng ( lotdaw) 35 kituh ding pen om nawn lo ding ci in, kitel na tawh kisai a thu nei UTin Aye in Yangon a party 30 val te tawh ki muh khop na ah gen khia hi cihi. Hih by- election phiatna tawh kisai in NLD party pan Nyan Win in phamawh asak loh thu uh gen a, Kawl kumpi te in ahoih asak bangin thu hei koikoi ci in, a hong pai lai ding kitelpi ah a hoih zaw in ka ki nging ding uhhi cihi. 2008 pingpei thu khun ah 75% parliament( lotdaw) ah kituh ding ahi man in, hih pen Suu Kyi in (hih pingpei thukhun pen ) aki khek na ding in a hahkat mahmah laitak ahi hi.Galkap te in kitel kul lo in 25% lotdaw ah tutna ngah sa ahi hi.

Guah nasia tak a zuukna hang in Jammu and Kashmir state , india gam ah tui khang a mi tul tampi in mundang ah pai khia theilo in awk cip uhhi.Hih thu hang Kumpi thunei te lung hi mawh uh a,galkap 100 , palikte leh mipi te sawl in mi 1100 hon khia thei uhhi.Hih mi hotkhiatna ah helicopter , leh boat te zang in hon khia hi. Hih mun ah nasia tak a guah a zuuk a kipan Paskistan gamgi dung teng lei kicim, inn kicim na hang in, mi 128 si cihi.

Srinagar khuapi ah tui khang na hang in inn khum tung na leng ah mi kah to in, lau thei mahmah uh hi cihi. PM Modi zong tua mun ah pai pah in thu nei te tawh kimu hi. Kashmir kuam teng ah zat ding in helicopters 22, mi pua vanleng 4 a adang state pan in zong hotkhiatna nasem ding in mapang uhhi.

US mi Siavuan Rick Sacra pen ebola natna hang in Liberia gam pan ciah in, aki bawl pen nop tuam mahmah ta hi ci in, ata nau te in gen hi. A zi leh ata upa pen tawh zong ki mu thei hi cihi.Hih nat na hang in Sierra Leone buai mahmahi a, nithum sung inn pua pusuak loh ding in kumpi thuneite in genkhia hi.Hih bang a hih uh pen ebola natna neite tuam koih ding leh hih na semding in mi 20,000 in sem dingcihi.Ebola natna pan adam sate sisan zang a dang natna neite bawl leh dam dingcihi.Tua ban ah ebola natna dalna ding zatui zawng asut uh hoih ci in , mihing te a ding zong hoih ding cihi.

Afghan thu khente in mihing 7 te thah ding ci in thu khen hi.Hih mite in,numei 4 te apawl un buan hi.Hih migilo te in apawl un mi buan bekhi lo, mi man cip in sum tawh kitan sak hi cihi.

Egpty kumpi te in neih leh neih kibang a kiteen mi 7 te man hi.Hih te video pen social media net work pan zong in mu uhhi. Hih dan a kiteen na pen ih gam i thukhun tawh ki tuak lo hi cihi. Hih mite pen nung saturday ni in man uh hi. Kawlgam ahbel neih leh neih ki bang ki teen sak hi.Ahih hang i gam thukhun in phal o hi cihi.

Ki mawlna thu

US open tennis ki mawl na ah world no.1 Serena willioams in World no.10 Caroline pen final ah game nih ki zom in zo ahih man khat na ngah hi. Hih in amah a dingin kum 3 ki zom a khatna alak na hi.Serena in grand slam 18 nei in, khatna ngahna man $ 4 millions ngah hi. US open tennis pasal ki mawl na ah Asia pan akhat vei final na ding in Kei Nishikori Japan leh Croatia pan Marin Cilli tawh Monday ni in final ki mawl ding uh hi.Japan pa in World no.1 Novak Djokovic zo in final kah a, Croatia pa in zong Rogeer Federer zo in akhatvei nang mah final ahihii.

Europe Qualified

Tuni ciangciang aki mawl khinsa Europe 2016 a ding azo leh alel te

Georgia 1-2 R.of Ireland
Germany 2-1 Scoltland
Hungry 1-2 N Ireland
Greece 0-1 Romania
Gibra islands 0-7 Poland FT
Faroe Islands 1-3 Finland
Portugal 0-1 Albania

Ref. The star paper,time, bbc.jpost.

Cin Ngaih/Zomi Nam

 


Comments




Leave a Reply