WWW.TUNGZANGNEWS.COM

 
A. Myanmar Police Kum 50 cin Hakha ah' sisan hopna nei.

Hongtung ding October 1 ni in Myanmar police din zawh kum 50 cinna phawkna ding in Chin state khuapi Hakha ah Police nasem te tungpan gam leh nam itna lahna in sisan hopkhiatna 13 Sep 2014 ni bawl khia uh hi. Tua mun ah Palik bangzah hiam? in sisan hopna nei uh a, Pu Hung Ngai in va en kawikawi hi. Thu kizakna tungtawng in aliim leh athu bek hi a, Police bangzah in sisan thawl bangzah piakkhia cih thudik taktak gen khiatna kizakik nailo cihi. Myanmar gambup muntuamtuam ah ahih leh police pan in sisan hop khiatna muntampi ah neikhin uh hi.

B. Ben Car khat Hakha ah kilumlet siise.

Chin State khuapi Hakha ah 12 Sep 2014 ni Zanlam 11 : 20 pm hunin Van Bawi Ceu kum 21 in azawl hel nalampan aciah ding teh Ben Car anung kinsak vutvutleh hat lua in huang ummna nawk phulpai niknek in kisia ahih man Zawllen nateen bang mah acih loh hang Palik te Bawi ceu man ziau uh hi. Tu in Hakha gilbeem sung ah kibu khum tadih in om hi.

C. Myanmar nitum lam tuidaalpi nasep minthang te kipan ding.

Myanmar nitum na lam Zomi, Laimi, Khumi, Naga te om na kuam dungsuk ah guntui daalpi pan khuaphe mei bawl ding gelna lian pi om ahihi. Tua te in Megawatts 1200 angah khia ding Thamanthi Tuidaal pi, Megawatts 660 angah khiading Shwesxayii Tuidaalpi, Megawatts 520 angah khiading Mawlaih tuidaalpi, Megawatts 380 angah khia ding Meitei gun tuidaal pi, Megawatts 40 angah khia ding Pyinta tuidaal pi leh Kalaywa Suangmeihol pan Megawatts 600 angah khia ding Khuaphe mei tha lakna nasepkhiat ding in kumpi gelna nei khinzo uh hi. Hih mun nasepte kizo siang khin leh Myanmar nitumna lam te meizat nuam mahmah ta ding uh cihi. Nasep kipat ding ahun gen khiatna kumpi in nei lian nailo ahih man in mipi ngak lah mahmah uh hi.

D. Tedim gampan MP te nasepna kilang omnailo.

2010 Myanmar gambup kiteel pi napan mipi teel Tangmi palai MP akua mah tek a party panmun uh tawh nitumtum lel uh a, Tunidong Tedim, Tonzang, Cikha gamsungah MP te in kum li huam sungah gam leh nam ading mipi noptuam na asep taktak uh mipi ading in akilang veva kua mah in agen ding theinailo uh hi. Thunei kumpi USDP party pan in vaihawm na bek themthem akilang kimubek hi' mipi in ci uhhi. MP te Khualzin, Meeting pai ci thei zel uh hi. Meeting ah banghiam thukikup cih kidong leh' agen ding uh omlo kicihi. Mee kiteel ding hun lai in mipi kai khawm khawm napi MP ngahzawh muh hak mahmah uh mipi tawh kihona tawm mahmah cih kiza hi.

Hau Thang

 


Comments




Leave a Reply