WWW.TUNGZANGNEWS.COM

 
PictureThuthak Tomkimcing 18 Sep 2014
Thuthak Tomkimcing 18 Sep 2014
****************************************
A. Goverment Technological University Answer paper ki shusia.

Tuzan 2014 Sep 17 hun in Kalay khuapi Zomi tamtak siamsinna Goverment Technological University ( GTU) ah siamsin te thudot te dawnna Answer papar teng office sung pan kibuluh in University sang inn kiim tui kicing nalak ah kithehzak niknek in ki phengpaih in om ahihi. Hih hang in Kalay khuapi sung University Siamsin makaite , Department tuamtuam Ulian te leh Police te tuni sung sun thapaii in lungmawk tak in buaikop uh hi. Civil siamsin kum4 nate tu ni thudot zawh ni ding hi sese lai ahihi. Technological ah Principal tawmvei asem pak Prof: Aung Zaw Lin cih kithei hi. Mawhlawh tawi ding kua cih kithei nai ta lo a, Muanmawh na ah Office Key keem kua? Security sem kua teng? Siamsin te leh Syate kilemloh na om maw? Ki kamtamm maw? Kuatawh kikamtamm? Hih Office sung a Answer paper ala khia kua? Amun ahilh kua? Kua in sawl in lakhia sak? Siamsin makai kua? Theihpih maw? Theih pihlo? Nasiatak in kikan san ahihi. Sang naupang te siamsin thudot dawnna Answer paper pawl khat te subject khat, Pawl khat subject nih, Pawl khat te subject thum tui lak ah kidiah ahih man in Lai dotna te khat vei dawnna kibawl kik ding cih lai kisuang khin ci hi. Hih thu hang in Kalay University ah thukan nuam te apai hang in Maanzaih kiphal lo cihi.

B. Tedim gam Khai Kam ah tuidaal nasem ding Company

Chin State Tedim gam Zosuan te teenna Khai Kam khua ah 2014-2015 kumsum zeek hunsung Khuata khantoh nasepna mapanlaa in asem ding in Teltui ZuaSiam Company in Kyats 21.5 Million tawh nasep theih phalna ngahta uh hi. Abeisa 2014 September 6 ni in Tedim khuapi uk U Tin Myo Latt leh Pu Vungh Pian Thang in Tuidaal bual bawl nading mun endik sittelna nei khin uh ahihi.

C. Zogam sung om Gamsokluu pan zaatui hoih piangkhia.

Leitung khualzin minthang te Zogam sung ah hong zinzin uh a, nalamdang amuh tuamtuam te kan vilvel uh hi. Tu in Zogam sung ah alamdang singgah ahi gamsokluu tungpan in khansau na zaatui nam khat kingah cih thu om mukhiahi. Hih gam Sokluu pen aliim na nam7 pha ci in ciam teh uh hi. Khum, Thuk, Thaak, Aal, Khaa , Phaang, Daau, ci uh hi. Hih aliimna nam7 ahi Rejuvenating agent sung ah Antioxidant nam tampi kihel a, mipil te in Sokluu neknek hoih cih mu khia hi. Hih Sokluu sung ah Dam theih na zaatui omte in Siisan lualua te, Numei siipaipai te, Nakpan in naptui tolh tolh leh nak sii luangluang te, Siikhang te, Kamsung Haniikawm pan siiluang thei te,Internal & External bleedings dam sak theihna zaatui kihel ahihi. Ahing asial in kinee thei ban ah amuu te paikhia in keusak in avui in bawl in tampayaa tui tawh nisim sikkeu nih ta Tui hel in dawn zo leng khansau sak mahmah tuam cihi. Zaa leh Tui buuk Khainii muan awm na te zong hih sokluu neenee leh dam sak kik zo cih muh khia uh hi. Akeuu avui te Khuaizu tawh hel in neleng niinkang (Leucorrhoea) nei te dam sak zo cihi.

D. Myanmar gamsung pilna ki makaihzia ding kikhel thei.

Myanmar gamsung ah Siamsin pilna kimakaih zia ding hampi nasep masak ding kikhelna om thei ding ahihi . Tua te in adiak in
1. Research bawlna.
2. Memory Recall
3. Should Know & Must Know
4. Good to Know
5. Face to face Discussion
6. Discussion (Group to Group)
7. Decision Making Process
8. Thinking Process
9. Policy Making
10. Adaptation cih Bulpuh in ki makaih na athak vaidin sawm uh hi. Hihsung ah Parmanent Memory leh Temporary Memory te khen silsial theihna dong ah pilna na kimakaih ding in gambup buppi dihmun kitung ta in mu khia uh hi. Gamvai muhna, Nam vai muhna, Sumbawl sumzuak alui athak muhna, Kiim leh Paam kepcing siam na, Leitung leisung, Tuitung tuisung, Huih sung pilna te kaih khop gawm tuah khinkhai pilciimkim na ii kisapna mu khia uh hi.


 


Comments




Leave a Reply