WWW.TUNGZANGNEWS.COM

 
Tulaai leitung Thuthang Tuamtuam Updates September 22,2014

·      Kawlgam sung Mualtung mi thautawi te palaai ahi NCCT leh Kawlgam gaalkaap te palaai ahi UPWC te Yangon khua pi ah a 6 veina thukikupna September 22 ni in kipanta uha, ni 5 sung kaaiding ci uhhi. HIh kikupna sung ah abeisa hunsung a thukimna angah zawh mahmah loh uh thu 4 te kikumding ci in NCCT makaai khat ahi Dr Lian Mung Sakol in genkhia hi.

Hong Kong gam ah Democracy mantak tawh ki ukna China gamte in apiak nading deihna tawh Hong Kong University sangnau pangte lungphona September 22 ni in kipanta uha, mipi tulsawm lompha uhhi. Hih lungphona peen atawmpeen ni 5 sawtding a ahizong in China gamte in Democracy man apiakmasiah kizom toto ding ci in sangnau pang makaai khat in genkhia hi.

 Syria gam Turkey gamtawh agamgi nehlam ahi Kobane khuapi leh akiimteng ah IS migilo te in lading in leilam tawh nasiatak in do uh ahihman in Turkey gamsung ah Kurdish September 22 niciang 130,000 cing ta hi. Iraq gamsung a om te US keh pawlten nasiatak in do himah leh Syria gamsung a IS te tuni ciang kuaman do ngam lian naaipak lo uhhi.

 Afghanistan gam ah President ding a cingtuak leh meetang thuman lohna hang a azo alel aut lo President candidate nihte ahi Mr Ashraf Ghani leh Dr Abdullah Abdullah te in kipumkhat a panmun kikim hawmnatawh nasemkhawm ding in September 21 ni in suaikaaikhawm uhhi. Tun Mr Ghani in President seemding a gam ki ukna tawh kisai in Dr Abdullah in thuneihna neiding  hi.

 Leitung a akizelh khaak ding akilau mahmah khat ahi Ebola natna lungno tawh Africa gam ah misi tu in 2,800 ciang kahto ta a, misi tamsemsem ahihsamhang  natna lungno kiam seemseem ta hi ci in WHO ten in September 22 ni in taangkokhia uhhi.

 Tulaaitak a Russia gam a President aseem ahi Vladimir Putin kumi nasepna alangpang Russia Opposite party te kigawmkhawm in mi 50,000 vaal in Russia kumpi in Ukraine gamsung asukbuaina thakhat in akhawlnading leh Gaalkaap apuak nawnloh nading in  Moscow khuapi ah September 21  ni in lungpho na nasiatak in neikhawm uhhi.

 EU gamsung Muslim gam ahi Albania gamsung ah nai 11 sung Pope Francis September 21 ni in khualzina nei a, Mipi 250,000 tawh Mass Tirana khuapi ah abawlkhit ciang Albania President pa tawh kimukhawm hi. Biakna hai up mipawlkhat te in Biakna peen hiamgamtat nading sa in Pasian deihna hi ci in amau le amau ki um mawkmawk uh hi. Ahizong in Pasian deihna peen daihna le kilemna hizaw ci in Pope in genkhia hi.

Lungdam 

Thang Khawm Pauzomi 

http://zomipausektak.blogspot.com/2014/09/tulaai-leitung-thuthang-tuamtuam_22.html

 


Comments




Leave a Reply