WWW.TUNGZANGNEWS.COM

 
Tulaai leitung Thuthang Tuamtuam Updates September 23,2014

• US te in Iraq gamsung aom IS migilo te 190 vei vilvel vanlam tawh azial khit uhciang abuukmun khanto uha, Arab gam 5 ahi Qatar, Saudi, Jordan, Bahrain leh UAE tetawh kipawl khawm in Syria gamsung a om IS leh AL-Qaeda migilo te September 22 ni nitaaklam in do kipanta uhhi. IS leh Al-Qaeda phualpi ahi Aleppo,Hassakeh,Raqqa,Deir l-Zour,Abu kamal khuapi 5 teng ah IS leh Al-Qaeda te phualpi mun 14 nuaizan sak uhhi. Gaaldo akipatma uh naikhat pawl in US Secretary of State John Kerry in Syria Foreign Minister pa tung ah laaipia a, tuazawh naikhat lianciang Syria gam apangtuakpan US Gaalvanleengpua Tembawpi kikhin liitliit in agamla kaapna thaupi te tawh akapkhit ciang Ahawlpalo vanleeng Drone, Tomahawk missile te tawh adeihdeihna uh kaap uhhi. Tuanung ah F-22 te kipeiphei in gialkia bang in bomb tang tatsatlo in khiat sukziahziah uhhi. Tuaban ah US leh Arab gam 5 te in hihpeen anasialua hinailo a akipatna hipan in masuan omlaai ci in gen uhhi. Tuni a gaaldo nasung ah Raqqa khuapi aom IS gaalkaap 20 leh Aleppo khuapi a om Al-Qaeda migilo 30 nautaangmi 8 si ci in Syria gamsung encik pawl in genkhia uhhi.

• US leh Arab gam 5 ten Syria gamsunga om IS te zial akipatzawh anikhat ni September 23,2014 ni in British minam thuthang kaaihkawm John Cantlie in US te agensiatgawpna Video tomno khat IS migilo te in khahkhia leuleu uhhi. John peen 2012 kum in Syria gampan akiman hi a tutung a video peen anihveina IS migilo te khahna ahihi. Video omzia aentel te genna ah amathu hilo in akisawl ahihman a agen ahihna kimuhthei ci uhhi.

• Algeria gam a om tulaaitak a IS migilo icihcih te tawh akizom thautawi pawlkhat in French gammi khualzin papi Herve Gourdel kum 55 Algeria gampan September 21 nizan in naman uha, French te in Iraq gam a IS te vanlamtawh ado akhawlkei uhleh thatding cn to uh ci in French Foreign Minister Laurent in September 23 ni in genkhia hi.

• Syria leh Israel gamki kaal Golan Heights ah Syria te gaalvanleeng khat in September 23 ni in Syria gamsung a tapong te bomb akhiat khitciang Israel gamte vanlampi khengkha ahihman in Israel ten Paulo phun selo sa in kapkhiatsak ziau uhhi. Israel ten ko Syria te gaalvanleeng khat kapkhia ziau ci in kipak mahmah le uhhi.

• China gam Liling khuapi sung ah meipuak kizuakna Nanyang Export Firework Factory September 22 ni in meikang ahihman in puakkham ek a, mi 12 si in 33 nasiatak in aliamban ah mi 2 zan mang in kizongtheilo ci in China kumpi te in taangkokhia uhhi.

Tuni hizah ci ni 
Zom toto ni 
Lungdam
Thang Khawm Pauzomi 
http://zomipausektak.blogspot.com/2014/09/tulaai-leitung-thuthang-tuamtuam_23.html

 


Comments




Leave a Reply