WWW.TUNGZANGNEWS.COM

 
Picture
Tulaai Leitung Thuthang Tuamtuam Updates September 30,2014
Tulaai Leitung Thuthang Tuamtuam Updates September 30,2014

·      Zomi ten 1990 kumpan Political party khatbek ineihsun ahi ZNC-ZCD ten ongtungding October kha sung in Tedim ahihkei leh Kawlpi khat zawzaw ah Party suahni phawkna leh Makaai thak kiteelna neiding uha, Leitung a om Zomi kheempeuh ongzawn uhhi. ZCD party hawmthawh a politics leh Zomi vei a akuku te suaktatak a vakihel theih mipi in ongteel leh Makaaipi septheihna hun kihong ahihman in Zomi ka it, kavei, Politics kathei aciten Internet khawn ah hai otot pong lo in vakihelding ahihi.

·      British parliament Iraq gamsung aom IS migilo te doding akhensat zawh anili ni September 30 ni in RAF Tornado Jet gaalvanleeng nih nu ngakno nih in hawl in Mosum Dam kuam IS te gaalvanphualpi vakaap uha, Vantampi tak avasuksiat sak khitciang nui lehleh kawmsa in giahphual ongtungkik uh ci in Defense Secretary Michael Fallon in genkhia hi. Tua kawmkawm mah in Kurdish gaalkaap te in IS te laksaksa Rabia khuapi laakkik zawhnading hanciam in avui atangtawh asun azan in vik ziahziah uhhi.

·      Leitung ah tulaai tak adiak in Nitumna gamlam te in akihtaak mahmah leh abuai pih mahmah IS migilo te hi in lauhuai naciangkhat zong omsam a ahizong in Leitung in IS te sang ilau zawhding leh alauhuai peenpeen in Iran te Nuclear vaai ahihi ci in Israel Prime Minister Benjamin Netanyahu in September 29 ni in UN Assembly sung ah Iran leh Leitung makaaite maaitang pan hangsan tak in genkhia giap hi.

·      Afghanistan gam ah 2014 khitciang US gaalkaap te Afghanistan gamsung ah ataamlaainading thukimna Security Advisor thak ding a akiteelkhia thak ahi Hanif Atmal in September 30 ni in thukimna suaikaai hi. Aluiten ahih leh suai kaai nuamlo in paikhia mengmeng leh aci uh ahihi. Thukimna thak ah 2014 kum khitciang US ten gaalkaap 9,800 koih laiding a adang NATO gampawl ten 3,000 bek koih laai in adangteng 2014 kumbeiciang lakhia mangta ding uhhi.

·      Hong Kong Democracy diktak tawh ki ukna adeih mipi lungphona anei te khawldek suailo in hahkat semsem uh ahihman in September 30 ni in mipi a tulsawmlom asim in buakhuan a palik tenzong acihnading theinawn meello in China gamlam thudong uhhi. Tuni lungphona anei mipi peen hicisehpak in 100,000 vaalphading hi ci in Makaai khat ahi Ed Chin in genkhia hi.

·      India Prime Minister thak liklek Narendra Modi  leh President Obama te September 30 ni in White House ah akimuh khopkhit uhciang thugenkhopna nei uha, India leh US sumzon nalamsang ah athak in nasiatak in kizomding in athukimna uh leh leitung khuahun zui in setvan tuamtuam te ah theihna kihawmsawnding in zong athukimna uh pulaakhia uhhi. Tuaban ah President Obama in “India gamh zawnna hencip mipi tampi nei kahi maw” ci in PM Modi in ongho suausuau ci in gebeh hi.

Cipak ni

Khialhna aom khaak aleh ngaihdam bawm ah maw

Thang Khawm Pauzomi 


-- 
 


Comments

09/17/2017 22:22

I've heard the news about North Korea's threat that they will attack Hawaii soon. Of course this news was frightening because we all know that North Korea is capable of doing that, but let's pray that they will not do this threat. It's not even a good joke in the first place! But let's always wish for good and avoid the thoughts of something bad might happen! God will always be there to guide and protect us!

Reply



Leave a Reply