WWW.TUNGZANGNEWS.COM

 
A. Zogam Buhci'in na leilet te guahtui tamlua tampi kisia.

Tukum Zogam sung kum kipat lam in lawi tampi pul in leilet nasem te kibuai mahmah kawmkal ah aom laisunsun tawh leilet kibawl kik thiamthiam ahihi. Nungkal sung in guahtui tamlua ahih man in Tedim khuapi huam Phillui leh Tuimii luitui khang gawp in akim a, leilet buh ki ciinna teng kisia khin mang ahihi. Buh kila nailo hi a, neihsunsun ding teng tui in tum in ankungtam pi kisia ahihi. Hih phillui leh tuimii lui kiim ah buh leilet nei te Gawsing, Mualnuam, Muallum, Cingpikot Thalmual,Phaiza, Tuithang Tunzang , Suangsang khua te hipha diak ahih man in Lokho leilet nei khempeuh dipkuatak in om uh ahihi. Tuciangciang khua huasa te, Myonee te in etna vaihawm sak na leilet nei teading in vaihawm thei nailo uh cihi.

B. Master plan of Champhai town.

Zomi tampitak teenna khuapi khat ahi Champhai khuapi anopci tak leh asiangtho theipen ding Plan hoih mahmah bawl khia uh a 29 Oct 2014 ni ciang in mipi tung ah anopcit zia gentelna leh bawl phat puahphat ding in Champhai khuapi sung thunei Champhai Town Planning&Devlopment Committee Chairman Pu TT Zothansanga, Parliamentary Secretary nei ding ahihi. Master Plan of Champhai Town Proposed Map pen DC Office, UD&PA Office leh CK Press, Vengthlang ah ki en theih in kikoih ahihi. Tua gamlim ah mailam Champhai khuapi thak om dan dingte leh Residential, Commercial, Industrial,Public&Semi Public, Playground,Park Road,Step/Pavement,Truck terminal/Bus depots, Agriculture cbt lam hilna kilak ahihi.


C. Shangam ah Kawl galkap leh Federal Union Army FUA kikapta.

Shan gamsung ah 20 Oct 2014 ni pan kipan in Kawl galkap leh Federal Union Army amasa pen kikap ki saithuah na kipan ta ahihi. FUA galkap pen UNFC nuai ah mualtung mi thau thawi kipawl na galkap hongding khia thak ahihi. FUA galkap pen KIA, MNDAA,TNLA pan in galdo zia asiam leh gamliim etzia asiam minthang te kahto in makaih uh cihi. NCCT leh UPWC te 22-26 September in MPC ah akimuh hun in Union Army vaidin ding NCCT in athusun pen UPWC in thalnial niknek uh ahih man in FUA dingkhia taktak ta ahihi cihi.

Hau Thang

 


Comments




Leave a Reply