WWW.TUNGZANGNEWS.COM

 
Tulaai leitung Thuthang Tuamtuam Updates October 20, 2014

·      Syria leh Turkey gamgi  Syria gamsung Kobani khuapi kiim teng US leh apawlten Mangvom mangkaang maaizah nawnlo in nasiatak in October 18 ni bomb akhiat uh hang  IS migilo te thahaatsemsem vial uh a, Turkey in lah huhsuk nuam peuhmahlo ban ah Kobani khuapi adaal Kurd gaalkaapten gaalvan kisam lua mahmah ung ci uh ahihman in October 20, 2014 ni in US ten vanlaai pan gaalvan leh zatui zaha adil asai in khiatsuk ziahziah uhhi. 

·      Iraq gaalkaap te IS migilo te dozia ding limtak kisinsak ding in Australia gaalsiam mahmah gaalhaang 200  naseemsakding in Australia Foreign Minister Julie Bishop leh Iraq Foreign minister Ibrahim al-Jaafari  te in October 20, 2014 ni in thukimna ngahta uha, suaikaihna neikhin ta uhhi. Hih gaalsiam 200 te Iraq gaalkaap te leilam ah makaihding uh hita hi.

·      2014 July kha sung Indonesia gam President ding a teelcing Joko Widodo in Jakarta khuapi ah president hihna saanna leh kiciamna October 20, 2014 ni in limci tak in nei a, US Secretary of state John Kerry leh Australia Prime Minister Tony Abbott te in maaitang kilak in muakna vanei uhhi. Tun Naangleem pa tapa in Leitung a Democracy alianpeen thumna imal 250 million te makaihding hita hi.  

·      Latin America gam khat ahi Nicaragua gam ah Khuapi guah ni 7 sung ciin ahihman in  tuikhang men kicim in October 18 niciang mi 22 cing in mipi 30,000 vaal in inn le lo nusia in taaikeek mang uhhi. Kumpi thunei te in ahithei zah in inn le lo nusia a micimawhte buknading geelsakna nei uha gaalkaap te ngiat in mipite huh in nawnkeei uhhi. Kawlgam ah Nagis laai in gaalkaapten huh cihtha dah huhna teng netum uh in gamdangte tawh kileh bulh mahmah uhhi.

·      Gamkhat khuakhat leh ciin loh khawiloh sa a singgah, mehteh mehgah leh Sa nakim ahaiziah ziah asiantho mahmah gam ahi Singapore gamte President pa Tony Tan UK gam ngaihhawding in London khuapi October 20, 2014 ni in tungta hi. Nasiatak in UK kumpi te in vaaidawnna nanei khengkhang uha, Kumpi William leh Kumpinu Kate tenzong nadawn uhhi. Eh William leh Kate tenzong maaikum April khaciang nau neikikding ci lai ei. Singapore President Tony Tan Prime Minister David Cameron leh Kumpinu Elizabeth in zong atuamtuak in sun ann neekpihding uha, Kumpi nu Elizabeth in bel khathum bilh Zozu khumkiuh keuh atuam in piading hi. President Tony Tan UK pan aciahkik Singapore atun kik October 26-27 sung offday lading ci hi. 

·      Kawlgam bup kiteelna Election pi 2015 October kaaltawpna ahih keileh November kha kaal masa sung a kibawlding ciin Kawlgam Election comission Makaaipi U Tin Aye October 20,2014 ni kipawlna tuamtuam mkaaite tawh kimuhkhopna ah genkhia ngawngaw tasam hi. 

·      Kawlgam Phakant Township Aungbali khua kianga phualsaat KIA pawl No.6 te tukha 14 ni in kihemkhia ding in kawlgam gaalkaap no.66 ten ong awn un ci in athupiakna tawh kisai ki awn zolo ding a khauhtak in kadaal ding uhhi ci in KIA-6 Bu Tan San in October 20,2014 ni in genkhia hi. Hih thu ataangko khiat phet un langnih gaalkaap ten akawlciang uh lek pah ziahziah uha, kawl gaalkaap 66 KIA 6 +666 kipeiding hita ahihman Kachin leh Kawl buaina nunglam te sang huaisia zawding cin mipi lau mhmh uhhi. 

·      Iraq gam sung a Kurd minam te US leh apawlte huhna hang in guallel nawnlo ding ci in lungmuang  phiupheu in aomlaaitak uh October 20,2014  ni in Kurd gaalkaap phualpi mun 15 thakhat thu in dokhat in do uha, Nasia tak kikap laaitak ci in Kurd thunei te leh Tudaw news te in genkhia uhhi. Thu dangkhat ah Syria gam Kobani khuapi daalding in Iraq gam Kurd gaalkaap te Turkey ten agam uh kantan theih na ding phalna October 20,2014 ni in pia ta uhhi. 

·      Sweden gam Stickholm khuapan tai 16 na tuipi sung ah tuma ni 4 pan Russia te tuisung luut gaal Tembaw hiding a upmawh maan khat huihlak thukan mazaihna in naman ahihman Gaal tembaw Gaalvaanleeng tawh October 20,2014 ni in ani 4 na zongziahziah uha bangmah mulian nailo uhhi. Kuagam te cih akitheihnhunhun ah kidop bawl loding  cin thunei ten genkhia uhhi. 

Lungdam 

Thang Khawm Pauzomi 

 


Comments




Leave a Reply