WWW.TUNGZANGNEWS.COM

 
Tulaai leitung Thuthang Tuamtuam Updates October 30, 2014

·      Leitung pianzawh Kawlgam ah thulamdang peen acihnop huailiang  President U Thein Sein in Kawlgam gamvaai party lian makaai te, Mualtungmi makaaite leh Gaalkaap maangpi tetawh ongtungding Friday ni October 31 niciang Naypyidaw  ah thukikum khawmding in sam hi. gamvaai party ah party lian 6 kihelding a Pi Suut Cing zong kihelding ci uhhi. 1990 kumpan kipan tunidong ciang phial akingen den Tri-parties Meeting icihcih agim ongnam pan suak hi. 

·      US gam Kansas Vanleengtual ah ginneihpi in Vanleeng neukhat October 30 ni in kia a Vanleeng tualsung a inn khat phukha ahihman in mi 4 si in mi 5 te naakpi tak in liam uhhi. Meiphelh te in nawhtak in delhpah uh ahihman in akiim apaam naak lawh manlo suak hi. Tedim meikaang tawh kikhaih dan bel maw 

·      Zambia gam President Michael Sata in London pan October 28 ongnusiatna hang in Vice President ahi Guy Scott peen thukhun tawh kizui in President suakloh phamawh ahihman in kahto hi. Ahizong Zambia gampeen mivom gam hi a Guy Scott peen mikaang ahihman in mipi in nasa mahmah uhhi. 

·      Syria gam sung a IS migilo te zialtum ding in Iraq gampan ongkuan khia Kurd gaalkaapte October 30 ni in Kobani khuapi ongtung ziahziah ta uha, mipi in namuak ziahziah in kitha nopsuah mahmah uhhi. US tenzong 8 vei vilvel October 30 ni in vanlam tawh IS te mawtaw leh giahphual suksiatsak ci in Pentagon te taangkokhia uhhi. 



·      Ukraine gam gaalkaap zalian maangpi 6 akihel zalian mi 90 golh guuk neeksim na hang in apanmun pan heemkhia uhhi.



 


Comments




Leave a Reply