WWW.TUNGZANGNEWS.COM

 
Tulaai leitung Thuthang Tuamtuam Updates October 31, 2014

·      Tu zingin ka naseppih, ka lawmhoih mahmah, Zomi Innkuan USA Thuvaanpi Dr. Do Khup’ Pa, Pu Ngin Za Langh in tu ni (Oct. 31, 2014) ni zankimkhit zingsang lam nai 1:40am pawlin New York a om zatopi khat ah a leitung nuntakna hong nusiata ahih manin, kei leh ka innkuan buppi un ka dah mahmahna thu hong theisak nuam ingh. Lawm Do Khup-te unau tawh Zomi-te khua leh tui vaite ah a sun a zan phialmah in a kithuah ka hi a, amau innkuan sung ah hici bang tuahsiatna hong tun’ciang amau tawh kibang in ka nakhasia mahmah uhhi.

·      Pu Ngin Za Langh pen kum (64) cingkhin pan a, damlohna hang tawh a hong bei himai hi. A beisa kha nih ka thum a kipan a damloh kipan toto a, a masa lamin lungtang natna, sikhang cihte tawh kibawl in, ahoih lam manawhzel hi. A nunung lam ciangin a damlohna hong kibehlap ihcitam, hong damlokik ahih manin zato kipuak a, a sin na hoih nawnlo cih kimukhia hi. Tua zawh ciang hong thuaklah semsem a, tu’n a bawlpa Pasian in a hun cingsakta in, tawldamna lam a manawh hita hi.

·      Pu Ngin Za Langh tate teng ahi; ka lawm Do Khup-te unau teng, Pa Suan Sian Mung, Rev. Thang Cin Pau, Nu Nem Deih Lun, Nu Ngai Sian Dim, Tg. Thang En Khai, Lia Luan Ngaih Nuam, Tg. Gin Kam Cin, Tg. Sian Muan Thang leh a innkuanpih teng uhtawh nakpi takin ka dah uhhi. Amau unau teng pen a Pa uh thupha kizom in, Pasian thupha sang mahmah unau hi uh a, Pu Langh hong nusiat laitak inzong New York ah akimphial in om thei uhhi.

·      Pa Langh tawh hun nunung geelna pen hih lai ka gelh laitak in kician takin kivaihawm thei nailo ahih manin a hun zui in hong theisaksawm ning. Tuaban ah thu ombang teng ZIUSA kipawlna panin zong hong kikokik ding hi.

·      Kawlgam President Thein Sein sapnatawh Gaalkaap,Mualmi leh NLD thukikupna October 30 ni Kawlgam nisimna hun in Naypyidaw ah neipetpet uha, mi 14 thukikum pai in nai 2:15 sung ek hun ngah uh ahihman mikhat Minutes 9 ta bek hun ngah uha, meel kilahna tawh hunbei hi. Tutung thu kikup na peen US President Obama November khasung kawlgam ongzinciang Pu Thein Sein paulapding a asappak hilel ci in pawlkhat te in gen uhhi. October 30 mi inbel President Obama in Thein Sein leh Suu Kyi atuamtuak in phone tawh hopih ci in White House ten taangkokhia uhhi. 

·      Bukina Faso gam kum 27 sung a uk cip President Compaore mipi te in October 31, 2014 ni in atutna pan sawnkhiatloh pha mawh in umcih litlit ta uh ahihman in amah le amah in atutna taaisan ta hi. Tu in Gaalkaap Maangpi ahi Honore Traore in gam ukna tawmven leen laaitak hi. 


Topa' Thupha maw leh 
Thang Khaw Pau
 


Comments

09/13/2017 05:01

Currently a lot of websites popping up. This address is very interesting for me.

Reply



Leave a Reply