WWW.TUNGZANGNEWS.COM

 
IS te leh Kurd te Kobane ah hong kido uh pen kha nih sung ah lut ding hong hita hi.Friday ni in US te in Kobane nisuahna lam a IS te omna gukvei kap a, aom na munte kapsiat sak hi.Tua ni mah in Kurd te leh IS te Kobane ah ki mai ngat in 3 vei ki kap sitset uhhi.Tukal kido nate ah Kurds te in IS te laksa mun pawl khat hong lakik thei uhhi ci in Kurds te in gen uhhi.Ahih hang in Pentagon pan genna ah vanlam pan kap na bek tawh khuapi ki dal zolo ding cihi.Hi kido na ah IS te in motar, thau vui thautang hoih te zang in nasia tak in sim uhhi.Kobane khua a thu nei Nassen in agen na ah tua sang atam zaw vanlam pan huhna ,galvan te kakisam uh hi ci in gen hi.Kobane ah sep.16 akipan kikapkapna hang in 200,000 galtai in, IS te 374 leh Kurds te 268 sihi.

Iraq gam Baghdad khuapi ah bomb puak khamna hang in mi 50 si in a 10 lom in liam uhhi.Hih bomb puakkham na tawh kisai in IS te in koh mau puak kham sak hi cihi.A ngiim na uh in Shiite omna mun leh galkap te omna mun te ah puak khan sak ding ahihi.Tua ban ah IS te in Baghdad khua sung ah munkip ka nei uh a,Bomb tawh hun ka sak sial un ka sim zel ding uhhi cihi.Ahih hang in thunei te in agenna ah IS te in munkip nei un acih pen umlo uhhi.Hih bang a bomb puakkhapna hang in sundayni akipan mi 162 sikhin ta hi.

Ebola natna pen leitung ah alauhuai natna khat leh ki lawh baih mahmah natna hong hi ta hi.Nitumna lam a gam te in Oct 16, ni akipan in gamgi, vanleng tual te ah nasia tak in Ebola natna sit uhhi.WHO pan in agen na uh ah, West Africa gam 15 te ah huhna kicing tak a piak ding leh amau leh amau zong akikep ding in gen khia hi.EU health commission Tonia borg genna ah WHO te tawh mapang khawm a Liberia, Guine,Sierra Leone gam te pan khual zin te sit pha kik ding cihi.EU health minister gam 28 te in Brussel a meeting na ah gam sung lutna khempeuh ah Ebola natna sit ding in thukim uhhi.Spain siavuan te gen na ah Ebola natna nei siampi te abawl te mi 6 natna nei ding in kilam en cihi.hih Ebola natna hang in mi 4,500 si in, mi 8,997 in natna ngah hi.Ebola natna pen kalkhat in mi 10,000 in ngah ta hi.

Russia khuapi Moscow khuapi ah advertise agency (company bawl nate hoih hi ci in mite theisak) khat in van pua mawtaw 30 tung ah nawi alian mahmah advertise na hang in ,ni khat in mawtaw 500 ki taihkha cihi.Hih bang a nikhat thu a accident 500 om pen atam mahmah hi cihi.mawtaw hawl te in tua nawi lian mahmah lim a et uh ciang in, amau mawtaw pen mi in taih ahihh lei leh amau in mi mawtaw taih kha cihi.Hih thu tawh kisai in agency te genna ah hih advertise pen sin na khat ahihi.Mawtaw tung a advertise koih pen sum tawm bei zaw in zong tangzai zaw hi cihi.A hih hang in mi pawl khat in deihlo thu gen in, pawl khat in thu bawl sawm hi cihi.Agency te in ahih leh hih advertise na hang in mawtaw kisia te pen assurace company te in sum hong piak kei uh leh koh man ka liau ding uhhi cihi.

Brazil gam Goiania khuapi ah Palik te in mi 39 athat hi ding a a ummawh uh mikhat man uhhi.Hih pa in kum 2011 akipan kum 4 sung in athat hi a, tua lak ah khangno numei 16 kihel cihi.hih mithat pa a hi Henrigue gomes da Rocha kum 26 pen Palik te in amat thei na ding in ni 70su ng a nung a sul zuih khit uh ciang man thei pan hi.A mi that te zong aman thei lo in, pawl khat te inn nei lo,pasal leh pasal aom khop pih te leh numei te cihi.Hih bang a mi athat ciang aheh kam in ahih hang kisik kik mahmah a, tua khit ciang mi that nuam kik leuleu ci in gen khia hi.

Nepal gam a tukal sung a Hamalaya mual tung a thakhat thu in vuk huihpi nung naq hang leh vukmual te kicipna hang in a awkcip mi 40 te hon khia the leuleu uhhi.tua mite lak ah pawl khat pen gim mahmah uh a, zato ki puak pah uhhi.hih bang a tuahsiatna ah mualtung kah lam hilh te bang mah kiging khol lo uh ci in, vuk kiatna hang in vot mahmah in lampi zong mial mahmah hi ci in a suak ta te in gen hi.Hih tuahsiatna hang in Nepal te leh gamdang mi te 29 sikhin ta cihi.thursday ni in mi 200 ki hionkhia zota hi cihi.

South Korea Seoul khua pi ii khang lam a om Seogam mun awng thawl ah K-Pop Band 4 minute te in Friday ni in concert bawl uh a, tua lai ah mi 700 tang ding pai in ,mi 126 si in,mi kua liam cihi.Hih concert en ding in ft.65 asang huihlutna akibawl nate tung ah mi 30 kahto in en uh a, tua bang aa, a et alitak in a omna uh kicim ahih man in concrete thual tung kia in si uhhi.Hih a si te pen sangnaupang te hi ding in kilam en uhhi.

Ref:bbc,voa,daily mail,hro,st.afp.

Cin Ngaih

 


Comments




Leave a Reply