WWW.TUNGZANGNEWS.COM

 
Zomi leh IELTS
International English Language Testing System (IELTS) pen mangkam kizat na mun/ kipawlna (Oganisations > Universities, employers, professional bodies, immigration authorities and government agencies) 6,000 val ah sangkah nuam/nasem nuam te a ding in University of Cambridge ESOL Examination/ The British Council and IDP Education Pty Limited (through its subsidiary company, IELTS Australia Pty Limited) te in tangzai takin hong bawl khiat ban ah 'Recognised' ' kisang' pah hi. IELTS pen nampi nih in khen uh hi.
1. Academic >> Degree ngahnai lo 'Undergraduate' or Degree ngahkhin 'Postgraduate levels, leh gamdang a nasep hoih zawngte a ding a hihi.
2. General Training>> Mangkam a zang gam a hi ( Australia, Canada,New Zealand le UK) te ah a pemte a ding leh degree ngaih nailo te a ding a hihi.
Skills li hong sit uh a, tuate in:
1. Mangpau ( Speaking)
2. Manglai atdan( Writing)
3. Manglai simdan( Reading) le
4. Mangpau ngaihdan ( Listening) a hihi.
Matpiakdan
IELTS laiphy te pen kia cihbang omlo hi. A tung a skills lite hong sit uh a matlom 1-9 ciang om hi. Mat etdan nih omin tuate in
1. Overall >> Laiphy pan in skills 4 lakah a ngah sang penpen nih laksak hi. Gtn. Mr. Zo Gam Zun in manglai atdan leh manglai simdan ah matlom 6.0 ngah in a dang tegel ah 5.5 ngah leh Overal band score pen 6.0 hipah hi.
2. Individual >> Skill khat ciat a Mr. Zo Gam Zun i matlom ngah zah hong laksak uh hi. 
Laiphy khat ii matlom kisap zahpen sang or na a vasepna ding a thunei te ngetzah tawh kisai in overall or individual a nget tawh kisai ding hi.

IELTS pen Zomite a ding sinhuai kasak mahmah khat a hihi. Zomi siamsin, tan sawm aung, Degree ngah khinte, Laisiangtho sang gamdang ah sinnuamte, leh Degree ngah khin a gamdang a nasep hoih zong nuamte a ding in a ki sam mahmah hi.

Nidang in mihau miliante bek gamdang sangkah ding i sa kha thei hi. Mangte paunak khat ah "If there is a will, there is a way" 'na tup nakleh lampi om hi' ci uh hi. Laisiam tampi khamtung ah lokho zong omkha ding hi, tuni in nidang tawh kibang nawnlo a i zongzawh nakleh ei sangkah nasepna ding ciangciang tamlua peuh mah hi. IELTS tawh scholarship ki gettheih na sang zong tampi om hi. Ni dangsang in Zomite gamdang ah sangkah pilnasin nasep hoih a muzo semsem ding in Topan ivek in thupha hong pia hen!

Mangten a lai uh thupi sak
IELTS tungtawn in mikangten a laiuh thupi sak cih kimu thei hi. Leitung buk ah mangpau common language in kizang mawk hi. Ei Zomi ten zong i lai i pau thupi dak huai mahmah hi. Zomi leh Zomi nam dang pau in zong kiho ngam huailo hi. Tuni in Zolai a theilo, Zopau a thei lo tampi ki om khin zohi. Hongpai laiding kum tampi ah i pau i lai i nutsiah ding lauh huai mahmah a hih man in, tuni a kipan i lai i pau zang hamtang in leitung bei madong thupi sakni.

IELTS a sang kipawlnate a zong nuamte a ding >> htpp://bandscore.ielts.org
IELTS thu a kician in a zong nuam te a ding www.ielts.org
Zomi sungah na sangngam,
Cin Lian Khai,

 


Comments




Leave a Reply