WWW.TUNGZANGNEWS.COM

 
Leitungbup Zomi Innkuan Kipawlna
Executive Council
 
Thupulakna
November 14, 2014
 
Maban Pulakna
 
Leitungbup Zomi Innkuan (LZI) Kipawlna Executive Council in Nov. 8, 2014 ni in LZI Kipawlna Dinmun leh Mabante tawh kisai Thukikupna khat lawhcing takin bawl zo hi. Hih Thukikupna sung panin LZI Kipawlna mailam kalsuan ding mabante tawh kisai in anuai a bangin thu khensatna kinei hi.
 
1.      LZI Kipawlna – Zomi Innpi Thukikupna (General Assembly Meeting) pen 2014 kum beima in kibawl ding a, LZI Kipawlna dinmun sittelna leh akisapna bangin puahphatna, kilamkikna bawl theihna ding kikupna kibawl ding hi. Tuaban ah, LZI Kipawlna Makaipi Kiteelna ding vai tawh kisai kikupna kinei ding hi. Zomi Innpi Thukikupna akah thei ding, Zomi Innkuan kipawlna leh Zomi-te khua leh tui kipawlnate panin Tangmite min leh puamte, LZI EC pawlin November kha sungin hong kaikhawm ding hi. Hih thute athei nuamte in; America gam a’ding: Pa Gregory Kap Suan Lian (+1-405-762-0818gylianpu@yahoo.com), Asia gam a’ding: Pa Dal Do Lang (+1-310-905-7641,langhtoi@gmail.com), Europe gam a’ding: Tg. Nang Deih Lian (+45-22-82-77-66naalianzomi@yahoo.dk) tung ah kikan thei hi.
 
2.      Zomi FM Radio Station lamna dingin, ngimna omsa bangin, sum leh paai vekpi $15,000 val kingahkhin ahih manin, gam leh minam apuah nuam tuipi galkaai Zomi taangpi taangta tung pan sum leh paai kaihkhopna (Initial Fund Raising) pen 2015 kum April kha a nunung pen in ciangtan in maban kizialbawl ding hi. Zomi FM Radio Station lamna ah a kisamlai ding sum leh paaite (Gentehna: Operating Cost, Administrative Cost) pen Zomi FM Radio Station lam a kipatkhit ciangin LZI EC in maban atuam khatin vaihawm ding hi.
 
3.      LZI Kipawlna EC pawl tang’in Zogam ah Zomi FM Radio Station maban a pang Zomi FM Committee in FM Radio tawh thu leh taangkona ding akisam vaite tampi zokhinta uh ahih manin kilungdam hi. Maban a thupi pen ahi FM Radio Station Permit kingah nailo ahih manin, 2014 kum beima in hih maban tawh kisai kician takin matutna a kineih zawhna dingin kihanciam hi. FM Radio Station Permit piak theihna pen State Government khut sung ah a bukim in kinga nailo ahih manin, Union Minister/Government tung pan phalna ngah theihna ding akihanciam laitak ahi hi. Hih hanciamna hun sungin, lampi tuamtuam tawh FM Radio Station vante akilei theihna ding kizong laitak ahi hi. FM Radio Station vante lei theihna ding gam li kikankhin a, phalna akingahphet in van a kilei theipah dingin kigeelkhol khinzo hi. Tuamah bangin, FM Radio Station Permit kingah in, FM Radio vante Zogam a tunphet in, tha khat thu in Zomi FM pan thu leh la taangkona a kinei theipah dingin kigingkhol khinzo hi. Zomi-te kithutuak takin mapankhopna lawhcing dingin ki-um a, thungetna tawh pankhopsuak dingin kihanthawn hi.
 
Executive Council
Leitungbup Zomi Innkuan Kipawlna
 
Tang’in’
 
GSKhup
President

Tel. +1-918-254-8033
Email gskhup@aol.com
 
Tulsa, Oklahoma, USA
November 14, 2014
 


Comments




Leave a Reply