WWW.TUNGZANGNEWS.COM

 
Tulaai Leitung Thuthang Tuamtuam Updates November 4,2014

·      Kawlgam sung a kibawlding Asia Nisuahna gamlam teng I thukikupna ah kihelding leh Pi Suut Cing namkawm ding in USA President Obama  Obama November 12  ni kawlgam tungding a  ade 14 nidong taamding hi ci in White House pan November 4, 2014 ni in taangkokhia uhhi. President Obama tutung kawlgam ongzinding peen asuahzawh anihveina ahihi.

·      Kawlgam Democracy makaaipi & NLD Makaaipi  leh Nobel minphatna angah Daw Aung San Suu Kyi@PI Suut Cing     ongtungding December kha ciang aminthan zawh akhatveina China Sengam zinding ci in azumna sem te in genkhia uhhi. China lampan leh Daw Suu lampan bel bangmah gencianna neinaailo uhhi.   

·      US gam  Senate kiteelna nasiatak in November 4, 2014 ni in amunmun ah kinei a, Georgia leh Connecticut state te ah buaina tawmtawm nei uha, tualo te ah mazangtoto uhhi. Tutung kiteelna peen Senate 435 tutna party nihte kituhding uh ahihi. Republican kei party pawl inbel zawhluat zong kasawm sekei uha, 435 ngahlak ah neihsa ahi 233 ngahkileding ka hanciam phot tadih uhhi.

·       IS migilo ngawngtan te leh Kurd gaalkaap te in Kobani khuapi ah November 4, 2014 nasiatak in leilan kikaapna nei uha, Kurd gaalkaapte Syria kumpi langpang thautawi te leh Iraq gampan akuan Kurd gaalkaap ten nahuh uh ahihman in tha haat mahmah uhhi. Sun pipi mah in gaalkikaapna nasia lua ahihman meivom kaai bang in Kobani khuapi tungteng zing nimnem bek hi.

·      Pakistan leh India gamgi ah bomb puakkham in mi 55 asihzawh aninih ni November 4, 2014 ni  in Pakisatan gam khunglam Khyber kual ah bomb nihvei puakkham leuleu a mi 4 sipah in pawlkhat liam uhhi.    Pakistan gaalkaap te in hihlam kuam toteng ah June kha pan kipan migilo 1,100 bang golum uha tua leibang siikna angahtoto hikhading ci in ki um mawh hi.

·      Arab gam te lak ah daaipeen phialding a kilam en gamkhat ahi Saudi Arabia gam Shia Muslim te tamteenna Dalwah khuapi sung ah maaituam khat in  November 3 ni in mibankaap a mi 5 sipah in pawlkhat liam uhhi. November 4, 2014 ni leuleu ciang akigamla khollo Buraida khua sung ah migilo maituam khatmah in palik 2 leh adang mi 2 kaplum leuleu hi.

·      Virgin Australia vanleeng Company te vanleeng khat November 4, 2014 Los Angeles,USA pan Australia lamzuan a leengding daaileenbuuk toilet  keh khia in sawtsimsim akep uh   mohkhing,ann khing, Zu khing teng mipi lak ah khuphei viauviau ahihman mipi buai vanleeng kileh kik in LA vanleeng tual tukik hi.

·      Pakistan gam Punjab Province Kot Radha Kishan  khua a Pasian naseem Christian Pakistan gammi nupa khat Muslim te Koran ( Lainintho) simmawhbawlsiatsak cih ngahna tawh mipi November 4, 2014 ni in anupa un that lum uha, athah lup khit uhciang aluang nangawn munuamlo uh ahihman haaltum uhhi.Palik te genna ah nupa geel kahot sawm mahmah uha ahizong in mipiten ko nangawn ongsaatzanding ahihman kataai uh cihsan uhhi.

Lungdam

Khialna aom leh ngaihdam bawm ah maw

Thang Khawm Pauzomi  

http://zomipausektak.blogspot.com/2014/11/tulaai-leitung-thuthang-tuamtuam_4.html

 


Comments




Leave a Reply