WWW.TUNGZANGNEWS.COM

 
ZAM Meeting ah sapnaZomi U le nau,
Zingciang November 10, 2014 Monday in Malaysia a om Zomi Khua kipawlna makai khempeuh leh Pawlpi khempeuh pan siate sun thapai tukhawm in Malaysia a om Zomite’ nuntak khuasakna ah theihhuai thu tampite kigencianna leh kikupna thupi tak om ding a, tuatak ah Malaysia Zomite bek hilo in Zomi leh Zogam tawh kisai Malaysia Zomite’ dinmun, veina leh ngaihsutna a kipan mapan’ theihna ding thu tampi kikum ding, genkhawm ding uh hi.

Khua kipawlna 80 val om a, khua makai, ” Khua Huasa” khempeuh leh Pawlpi 30 val pan Sia khempeuh ban ah Minam leh Gam vai a lunglut velvel tampi kihel ding in ki lam-en hi. ZAM hallpi mi 150 bang tutkhop theihna mun ah thupi tak in sun khat tangcim hun kizang ding ahi hi.

Vaihawm pawl lampan thu kizakna ah, Malaysia leh aban ( gam 3na ) dong kalsuanna ah laitawh a kihawm theilo, kam bektawh gensawn theih thu tampi tak kigen ding a, mipi’ ngaihsutna leh lam-etna zong Hausate’ tung pan zakhia ding in ki lam-en hi. Tua tungtawn in kipawlna tuamtuam pan in mipi’ ading in muibun zaw a nasep theih nading lampi tampi kihong ding hi ci in kipawlna tangmite in lam-etna nei leh hanciam ding geelna tampi om ahi hi.

Tua ban ah, Malaysia a om Zomite in Zogam leh Zomite’ maban sep leh bawl, geelna leh vaihawmna tuamtuam ah bangci bang in tangzai tak mapang thei ding cih genkhawm, sungkhawm, kikum khawm ding ahi hi.

Tulaitak Malaysia ah Zomi 27,000 val om hi. Hihpen kipawlna ah pawlmi a register abawl teng bek hi a, register abawl lo leh ong tungthak zong a tul a sim omlai ding in ki um hi. Malaysia gam sung ah Zomi 30,000 kim bang om ding in kingaihsun hi. A tamzaw pen Malaysia khuapi Kuala Lumpur ( KL ) ah om in, tualo gam sung mun tuamtuam ah a om zong pawlkhat om hi.

Malaysia Zomite tung pan in zing ciang bangthu i za ding hiam cih lunglut tak in bil dawh ciatni.

Pau Khat Suan

 


Comments




Leave a Reply