WWW.TUNGZANGNEWS.COM

 
Zomi Innkuan USA
Executive Committee
 
Dahna Pulakna: Mangpha Lia Dim Deih Huai
 
Tennessee Gamke, Nashville khuapi a teng, Zogam pan Thalmual khuami, Buansing beh, Pa Do Tan Len leh Nu Cin Nem Kim-te’ tanu nihna, Lia Dim Deih Huai in Dec. 23, 2014 ni in, damlohna hang tawh a leitung nuntakna hong nusia hi. Lia Dim Deih Huai pen leitung ah mihing in ahong piankhiat zawh kaal gukbek acing pan ahihbek thamlo, Pa Do Tan Len-te innkuan gamnuam zaw ah peemta dingin US gam ahong tun’ zawh kha thum valdeuh a phapan ahi hi. Peemta ding a gamnuam tungcil, tangek khatin hici bangin hong nusiatvat manin kikhasia mahmah hi.
 
Lia Dim Deih Huai hong nusiat manin adah akap a om, Pa Do Tan Len-te innkuan a kipan, meeltheih tanaute, khuapih tuipihte, pawlpi mipihte leh Zomi Community Tennessee kipawlna tawh akibang in Zomi Innkuan USA Executive Committee pawlzong ka dah mahmah uhhi.
 
Dahna kahna sung panin hanmual a khakna ding vaite Nashville khuapi a om Social Service lampan hong panpih ding cih thu leh, Thalmual khua kipawlna ahi zong, Pawlpi panin ahi zong, Zomi Community Tennessee kipawlna panin ahi zong, picing takin vuibawlna kinei ding cihthu kiza a, kikhalum tuam hi. Zomi Innkuan USA kipawlna in ngeina bangin dahna lahna Pawkkual tawh khakna/gaalna kibawl ding hi.
 
Lia Dim Deih Huai tawh hun nunung pen Dec. 24, 2014 (Wed.) ni in, Zomi Pentecostal Church (ZPC) pawlpi innteekna tawh kibawl ding a, hanmual ah kikha ding hi.
 
Lia Dim Deih Huai hong nusiatna hangin adah akap lungleng khuangai a om laizom u leh nau, nu leh pa, lawm leh gual khempeuh anungta Pasian in hong hehnem henla, adamlai teng cidam takin nisim mabante ah thupha leh thathak tawh a kalsuankik zo dingin hong siamhen ci-in thu ka ngen uhhi.
 
Dahna tawh;
 
Executive Committee
Zomi Innkuan USA, Inc.
 
Tulsa, OK
December 23, 2014
 


Comments




Leave a Reply