WWW.TUNGZANGNEWS.COM

 
Thuthak Tomkimcing 6 Dec 2014

A. Tamu khua ah Thau honkhat kiman.

Tamu khua Baazaar veng ah ateeng Lianpu (b) Khai Khan Cin kum 53 inn ah 2014 Dec 3 ni in galkap te in ainnsung uh vasit uh leh AK 47 lawng 11 leh atang bawm 11, M 16 lawng 5 leh nitak khua zingsung etna mit liimlang 7 mu in matsak uh hi. Mundang ah nei lai ding ummawh uh ahih man in azon kik uh leh Nanfalong ah Lianpi ( b) Bawi Lun Thang kum38 inn ah HK 33 lawng khat thautang bawm khat, Bomb lot na Kanstion (MADE USA)khat mu leuleu uh a, Khai Khan Cin tawh anih uh kiman beh khawm uh cihi. Hih thuzom in thu kiban sin leuleu ahih man in baazar veeng No 11 om Nu Dam Suan Cing kum 37 leh Tedim myo nee pan Nu Ning (b) Nu Ning Pum Vung kum 55 leh Kalay myo pinglong veng om Nu En Kho Hung kum 45 hih teng thum kiman beh uhhi.

Amin uh kikhial thei in teh. Kawl pau mawl melmel te laigelhbel!

B.Champhai khuapi dung suk midal na bawl.

Champhai khualai Vengtlang dung suk sai/ dawi mai suk khempeuh mawtaw lam dung ah naupang kikhia thei zel ahih man in KTP branch Project tanu pawl in midalna (Railing) 273 ft asau hoihtak bawl khin ta uh hi. Kawlgam lam pan in Champhai ah vanzuak te in dawrmai aut ut na uh pan lampi kan thei zel uh a, Cycle leh mawtaw lau huai mahmah en kha lo zong kiom cih kiza ahih man in kiphuah pha kici hi.

C. Paletwa khuapi thak / Vengthak kihong ding.

Chin state ading in gamdang tembawl luttheih nading lampi leh Tembaw khawl nading in alem pen Paletwa khua pi phuah pha ding in Gamsung singhalh leh leisung sumpiang thusapi U Kyaw Ngein in Plan kibawl khia ta cih thu phuang khia hi. Paletwa vengthak mun ding Acre 1700 zai hi cihi. Paletwa pen Chin state ading khuasung inn te kihal mahmah in teeng uh a, zai mahmah ahihi. Veng thum in kikhen a, inn 1004 pha in Innkuan 1055 leh mimmal 9034 kiim pha uh hi. Kaladan gun lehlam khuapi tha ding in kigel hi a, milian mihau zaw deuh te in mun hoih ngah ding kigen hi. Khuapi thak kilam khin leh Tuipi pan tembaw khawl thei ding hi a, India nisuah na lam Mizoram Saiha Lunglei tawh sum bawl sum zuak mizo tampi te zin ta ding lam etna lian pi zongnei hi.

Hau Thang

 


Comments




Leave a Reply