WWW.TUNGZANGNEWS.COM

 
Tulaai Leitung Thuthang Tuamtuam Updates Dec 17, 2014

·      EU-European Union te thukhen zum asaangpeen te in Palestine gam a thautawi Hamas te Terrorist (Mi ngnongtat ) a ciaptehna pan hemkhia ding in December 17, 2014 ni in khentat uhhi. Hih thu hang in Israel Prime Minister Benjamin Netanyahu in hihbang mingongtat mit a muhgegu hemkhia cihpeen alim alaai om kei in manlangtak in guangkik un ci in EU thukhen zumte otsan hi. bbc.com

·       Yemen gamlaai zaang pawl Bayda province sung  Radaa acihna mun ah sangnaupang pua Bus apailaai tak December 17, 2014 ni in bomb khat puakkham a, asawtlo khat mah in ageidiak ah khat puakkham leuleu ahihman in mi 25 si in 25 lak ah 15 peen sangnaupang kumcingnailo vive hi ci in Yemen thunei te in genkhia uhhi. Hih mun peen Shia Houthi tapong te ukna sung hi a bomb puak khamsak peen al-Qaeda tawh kizom Sunni biakna thautawi te hiding in ummawh uhhi. bbc.com

·      Pakistan gam Peshawar khua sung ah December 16,2014 ni a  Taliban migilo te kap saang innpi si le naai tawh kidim zihziah  laibu te kiphah zihziah ban a kawmtung teng thautang ma leh sisan dimzihziah a cikzeet huai mahmah hi. Hih saang innpi akap migilo te peen mi 7 hi uha, nai 8 sung in Pakistan gaalkaap ten golum khinta uhhi. Misi vekpi peen sangnaupang kumcinglo 132 leh sangsia 9 avek in 141 pha uhhi. Migilo te bangmah thu atelcian naailo naupang te Laaisinna khan sung khat khit khat luut uha baankaap ciatciat uh ci hi. Prime Minister Nawaz Sharif in nithum sung gambup mipi in dahkhawmding taangkokhia a, koicibang a thukkikding cih thukin parliament khawmpi khat December 17, 2014 ni in sam hi.

·      US gam Florida state Governor luui Jeb Bush President Luui George W Bush I sanggampa  in 2016 kumciang US President kadem ding a kademtheih nading in lampi nasiatak kasial saanlaaitak hi ci in a Facebook tung ah December 17, 2014 ni in taangkokhia hi.  Democratic pan Pi Hillary Clinton tawh kivik ding dan uh hi. Jeb Bush facebook 

·      Haiti gam mipi te in President  Michel Martelly  azapan atawpna ding ngetna December 1 nipan nasiatak aneihnapan December 17, 2014 ni  palikte tawh kihehsuah uha, naakpi tak in buaina piang hi. Prime Minister Laurent Lamothe bel mipi ngetna tawh kizui in December 15 ni in apanmun khawlsan hi. cnn.com



·      Brazil gam innteek leitang ngak nik le puan zong hoih tak asilhthei naailo te pasal 30 kiimding Brazil gam I khuapi Brasilia  khuapi sung a om National Congress innpi December 17, 2014 ni in lum le tei tawh buluh in deihna lahna nei uhhi. Leitang neihna tawh kisai thukhunpi tung lungkimlo leh President Dilma Rousseff  leitang nei mite akicingzaw a a angvaan deihna bulpi ci uhhi. Khatpa athaltang nalawn man ahihman in Palik khatpa but dawn kha a kamphatna tawh abut nagol leilua kha in akhe sang nasauzaw ahihman liamlo citciat hi. Palik ten mitsip za tawh kapmang uha amakaai zawdeuh 4 man uhhi. bbc.com

·      Vietnam gam laaizang  Lam Dong huam sung ah tuitawh mei laak nading a mual avuhlet uh kuahawmpi December 16, 2014 ni in guahtam luatna hang in  kicim a asung anasem mi 12 vuk nelh hi. hot khiat theih nading lampi ompak lo ahihman oxygen pipe tawh puakpong uha kimvial ngeingaai uhhi.bbc.com

·      Asia gam tukpeeng kimawlna Asian Cup Jan 9-31 sung Australia gam ah omding a  Asia gam tuamtuam pan gam Team 16 kisuiding uhhi. Hih hun sung ah buaina aom loh nading in limtak in kong ongcin sak un ci in Asian Cup vaaihawm makaaipawl in Australia thuneite tung ah December 17, 2014 ni in thum ngetnguut uhhi. bbc.com

·      North Korea gam te in  North Korea leikha Maangpi khat ahi Kim Jong II asihzawh kum 3 cin phawkna pawipi December 17, 2014 ni in Mansu Hill ah khaam uha, mi atulzalom a sim Kim te pata limtuh maai ah bok in bia ngaungau zen uhhi.  Apai zolo te ading in TV ah paisak ngiat uha, Pasian biak in bia tazen uhhi. cnn.com

·      Philippine te in South China tuipi tung ngaakding leh Sente ginna in atui gaalkaap te uh limtak zuunding, puahthakding ci in December 17, 2014 ni in taangkokhia uhhi. Tui tung a kilum let thei zialzial gaaltembaw 2, Helicopter 2 leh Tembaw nei thautawh kithuah te 3  kileibehding ci in Tui gaalkaap zalian Caesar Taccad  in genkhia hi. Gaal tembaw peen South Korea , Spain leh French gampan kileidinga, Helicopter peen  Indonesia leh Italy gampan kilei in Tembawneu thautawh kithuah peen Taiwan gampan kileiding ci hi. bbc.com

·      US gam te White House cihdan pian khat in 2015 kumbulpan kipan Kawlgam President Thein Sein in pan kaalsim thuthak kante tung thupulaakkhiatna omdending a, nisim in thuthak kaaikhawm ten thuthak valathei tading hi ci in  kawlkumpi te thusungpi zum ten December 17, 2014 ni in taangkokhia uhhi.voanews.burmese.com

Gennop tampi tawh khawlbawl phot ni

Thuthang ongsim sak kheempeuh tung ah lungdam mamah

Khialh na aomkhaak aleh ngaihdam bawm ah maw

Thang Khawm Pauzomi

http://zomipausektak.blogspot.com/2014/12/tulaai-leitung-thuthang-tuamtuam_17.html
 


Comments




Leave a Reply