WWW.TUNGZANGNEWS.COM

 
Tulaai Leitung Thuthang Tuamtuam Updates Dec 2,2014

 Welcome Back & Happy Sweet December 

·      IS migi Makaaipi ahi Abu Bakr al-Badhdadi i azi leh ata Syria gam leh Lebanon gamgi dung ah Lebanon gaalkaap ten manta ci in December 2,2014 ni in taangkokhia uhhi. Azi leh ata kimat sakmawk ahihman Khanglui ten Meigong lung leh sa zanta acih peuh ongbat a leh onggilo semsem ding ahihman in lauhuai khading hi. BBC.COM

·      South Korea gam te neihsa  Ngasa betna tembawpi khat December 1, 2014 ni in Russia gamkhen tuipi tung ah  khua hun siatluana hang in Tembaw sung ah tuiluut  ahihman in kibung hi. Mi 7 ahi in kihonkhia zopah a khat asi in kitawm hi. December 2 ni in 52 mangthanglaai ci a alim amel zong kimuzo nailo ci in  Korea leh Russia thungei te in taangkokhia uhhi. BBC.COM

·      Haiti gam Saint Marc khuapi pan tai 60 kigamlaatna a om Thong innpi sung pan Haiti mi thongkiha mi 34 ten December 2,2014 ni in thongkong susia in thongpan taaikhia uhhi. Hih tawh kisai in thongkongcing palik 4 ten huh hi cih upmawhna tawh palik ten man uhhi. Tuama kha 3 pan kipan Haiti gam thongpan taaisim mi 300 vaalta ci uhhi.BBC.COM

·      Kenya leh Somalia gamgi Mandera khuakiang a nasem a om mipi lak ah al-Shabab migilo ten December 1, 2014 nizan in mipi lakpan Muslim biakna azuiteng atenkhiat khitciang Muslim biakna azuilo teng bankaap uh ahihman in mi 36 in  nuntaakna beilawh uhhi.Hih bangthu aomnawnloh nading in Kenya President Uhuru  Kenyatta in Palik maangpi pa leh gamsung vuanzi pa amiliah khia hi.BBC.COM

·      Cuba bam Santa Clara pan Varadero tuikulh khawlmun lamzuan a azin Lungnop zong khualzin mi 41 apua Bus pi khat December 1, 2014 ni zankim pawl in kilumlet a mi 8 zato ah kikheipah in Piantit gammi 9 peen naakgim mahmah in asihhun ding bek uh kingak in omhi.abcnews.go.com

·      Egypt gam thukhen zumpi te in nungkum a palik 11 thahnatawh amawhmat uh mi  188 te gawhlupding in December 2,2014 ni in thukhen uhhi. HIh bang a mi alom agawh ngekngek uhpeen  2014 sung a 3 veina hita a leitung bup in amawhsak mahmah thukhat zong ahihi.abc.go.com

Tusung teng tanau vaai taumtuam leh Bukveina hangtawh thuthang ongkitat vat ahihman in ngaihdamna konngen ahi.

Thang Khawm Pauzomi

http://zomipausektak.blogspot.com/2014/12/tulaai-leitung-thuthang-tuamtuam.html

 


Comments




Leave a Reply