WWW.TUNGZANGNEWS.COM

 
Tulaai Leitung Thuthang Tuamtuam Updates Dec 3,2014

·      Somalia gam Mogadishu khuapi vanleeng tual kiim UN zumpi tawh kinaai munkhat ah December 3, 2014 ni in bomb puakkham sak uha mi 4 si in pawlkhat liam uhhi. Zan ni Kenya tawh gamgi a mi 36 sihna tawh ki meemat pian ci in Somali thuneite in gen uhhi. Kua khutma cih kitellian lo napin al-Shabab migilo te kimuangmawh tek hi. bbc.com

·      South Korea gam ah Pasal uhamsa kheempeuh lakpan   43.7% in zateep ngeekngek uha 2020 kuciang 19% dong ah akiamzawhding ngiimnatawh zatep man khansakding in South Korea Parliament te in December 3, 2014 ni in thukimna neita uhhi. Zatep bungkhat Korea sum 2,500 pan 4,500 ah khangto ding a January 1,2015 kipanding ci uhhi.  bbc.com

·      Dotloh Akpi khuang akicilian bang in Zani leh Zanhal ni Iran te gaalvanleeng F-4 Phantoms acihte  Iraq gamsung  Diyala state sung a IS migilo te phualpi teng nasiatak in vado dihdih uha, Hih peen US ten theihpih hetlo kipawlkhat kikello ban ah dotloh akpi khuangtaktak ahi ci in Pentagon Rear Adm John Kirby December 3, 2014 ni in genkhia hi.bbc.com

·      Zani December 2 ni a Lebanon gaalkaap ten IS makaaipi pa zi ci a mat uh numei  Saja al-Dulaimi peen IS makaapi Abu Bakr al-Baghdadi zi hilo hi ci in Iraq kumpi thuneite in December 3, 2014 ni in taangkoki uhhi. Ahizong in Lebanon ten ahihleh ummawh veve laai uh ahihman in khihcip laaiuhhi.bbc.com

·      Israel Prime Minister Benjamin Netanyahu in a minister nih December 2 ni in akhawlsak ban a asawtlo in parliament kiteelna bawlding ci in taangkokhia hi.Atangko zawh nikhat December 3, 2014 ni in Israel Thukhun bawl pawl in March 17 niciang  kiteelna bawlding in khensatna nei in taangkokhia uhhi. PM Netanyahu te party in muntam ngahmahmah ding kilam pian uhhi. bbc.com

·      Hongkong gam sung ah khatampi tak kumpite tung lungphona aneihpih makaaipi 4 te December 3, 2014 ni in  Hongkong Central Palik  zumpi ah amau leh amau kiman sakding in valuut uha, Palik ten naman nuam mahmahlo uh ahihman in naikhat sung taang Palik zum ah aomkhit uhciang ciahkik mai uhhi. voanews.com

·      Yemen gam a Iran gamte Palaaipipa ahi Hossein Niknam innphual zaang ah December 3, 2014 ni in Bomb puakkham a inncing mi 2  si in inn pawlkhat sia a, Palaaipipa ahihleh acimulzong thobeeklo hi ci in Iran kumpi thunei lamte in genkhia uhhi. voanews.com

·      Britain gam te in ongtungding 2015 kum October 13-22 kikaal North Korea gamte thuthang zong journalists 46 te  website zatzia leh atuamtuam te kisinsakding in kasamding uhhi ci in December 3, 2014 ni in taangkokhia uhhi. North Korea gampeen pawlpihding kuamata in adeihloh gamkhat ahihman lamdang kisa simsimtek hi. voanews.com

·      Africa gam a akilau mahmah Ebola natna lungnote donading leh US gamsung a Zato te ah Ebola kiptak a nanzawhnading a akisam sumte piaktheihnading in  President Obama in US thukhun bawlte tung ah $6.2 peuh mah ongthukimpih un ci in December 2,2014 ni in thuum ngeetnguut hi. Avomte neek ngaih deuh acitawh kiphun neuhneuh hileh kilawm hi.  Hih Ebola natna tawh leitung ah mi 6,000 kiim sikhin ta hi. voanews.com

·      Afghanistan gam a om NATO  paltan te aom zahding a aciangtanni uh Dec 31 niciang beitading ahihman in koicihding Brussels khuapi ah thukikupna aneihna pan un kumthak ah NATO paltan 12,000 taamsaklaaiding in ci in December 3, 2014 ni in thukimna thakkhat ngahkik uhhi. cnn.com

·      Mualtungmi thautawi 12 kipawlna UNFC pan  akato ahi FUA -Federal Union Army  ten amasapeen thukikupna December 3, 2014 ni in Kawlgam leh Thailand gamgi munkhat ah bawl uha, Thukimna te lak ah khat ahi FUA  peen saklam leh khanglam in khennih phasak uha, Saklamte KIO pan  BU Vungh Sian in makaih in khanglamte ahihleh KNU pan Baw Kyaw Hay in makaihding in kithukim uhhi. Hih mun ah bel I otot samhaang Z tawh kipan laaimal muh hak mahmah laaisam ei. Voaburmese.com

·      North Korea Leikhamaangpi ahi Kim Jong Un  peen agammite pawlkhat in paakta mahmah ahihman in amin zatpih ngeingai hiding hiam, Keimintawh kua mah ibangtheilo akibangten laih unla naungek suakthak om a keimin  tawh akibat leh zong nausuak laaidal ongkipialo ding ci in December 3, 2014 ni in mipi tung ah theihsakna nei hi. Zalian taktak mah cihding hi kawlgam a te tawh tehding hinaaikei laai. Voanews.com

Lungdam Khialna aomkhaak aleh ngaihdam bawm ah maw

Thang Khawm Pauzomi

http://zomipausektak.blogspot.com/2014/12/tulaai-leitung-thuthang-tuamtuam_3.html

 


Comments




Leave a Reply