WWW.TUNGZANGNEWS.COM

 
Picture
Tulaai Leitung Thuthang Tuamtuam Updates Dec 8, 2014
Tulaai Leitung Thuthang Tuamtuam Updates Dec 8, 2014

• Philippine gam sung Typhoon Hagupit kici huih leh guahpi kithuah in December 6 nasiatak in nawk a, kumpi thunei te in mipi theikholsak ahihman in atamzaw kiheemman uhhi. Ahizong in akiheemzolo ten thuakpi mah in gumthuak uh ahihman in mi 21 si veve hi ci in Red Cross micimawh huhpawl in December 8, 2014 ni in taangkokhia uhhi. Typhoon in adiak in Samar tikulh naaknawk mahmah a, December 8, 2014 ni in zong Manila khuapi nawkbeh laai hi. bbc.com

• Israel gaalvanleeng ten Syria gam Damascus khuapi vanleeng tual leh Syria leh Lebanon gamgikhuapi ahi Dimas khuakiang a Hezbollah migilo te kiang kipuakding thaupi koihna na munte December 7 ni in beltung vakhiat zatzat uhhi. HIh tawh kisai in Russia ten hihbang a Israel ten mi ommuang avadopeen thumanlo ahihman ahangkiciantak onggen uhhen ci in Syria tawh kipawl in UN ah December 8, 2014 ni in vakhia uhhi. Israel thukan maangpi Yuval Steinitz in bel migilo te kiang atungding gaalhiam kikoihna na peen hahsiang pahpah ding kanasep uh hi ci in genlel hi.haaretz.com

• Yemen gam aluutding gaaltaai gambeel mi apua Tembawpi khat December 6 ni in Santuipi tung ah huih khauhluatna hang in kibung a Ethiopians mi 70 si hi ci in Yemen kumpi thunei te in December 7 ni in taangkokhia uhhi.Adang misi bangzah phalaai bangzah mangcih te telkanding in Yemen palik te kipan pah uha, tunidong zong saanlaai uhhi.cnn.com

• NLD leh 8888 te makaihna tawh akibawl 2008 Kawlgam Pingpei Thukhun pi bawlphatnading ah thukimna suaikaai kawlgam gaalkaap asemlaaitak leh Bumu khat ahi Kyaw Sua Win Kawlmang ten thong kum 2 khia ci in azi December 8, 2014 ni in awngkeek taktak tahi.voanews.burmese.com

• UK kumpi no William leh a angkawi Kate te USA ga Newyork khuapi December 7, 2014 ni ongtung uha, December 8, 2014 ni President Obama tawh White House ah kimukhawm uhhi. December 9 niciang 911 phawkna innpi ah hawhding uha, innlam zuankik tading uhhi. USA gam mi hilo napi uh in mipite in na kumpi bawl mahmah in nasiatak in namuak nadawn ciat uhhi. bbc.com

• Yemen gam a kibusa al-Qaeda migilo tetawh kipawl thautawi te mat ahi US thuhtang suutpu Luke Somars leh South Africa gammi sangsia Pierre Korkie te vahonkhia ding in December 6 ni US Commando gaalkaap te Uisiam,gaalvan akicing leh Helicopter aginglo thautang butzawloh tawh asi ngam sinsen gaalhaang te vakuan uha, hotkhiatzawh nading aminute bek in asaplaaitak migilo ten natheikhia uha amimat gel uh nakaplum man uhhi.Hih thu hang in parliament sung leh mipi sung ah banghang kihonkhia zolo a ui uh hamkha maw cihzah dong in kinialna oma, Defense Secretary Chuck Hagel inbel kakul veih akihonzolo pak hi cihsan hi. Tutung ahot nop te uh ahotzawhloh uhhang migilo 13 bel viklum ziausam uhhi. bbc.com

• Iraq gamsung a IS migilo te ado aom US gaalkaap te in gaalkaap tha 1,500 ongbehlap un ci in ongngen a kipuakbeh khading ci in Lt Gen James IS dokhawm gam 60 kiim te khawmpi Kuwait gampan December 8, 2014 ni in genkhia hi. tulian in gaalkaap 3100 omkhinta ci hi. bbc.com

• Nepal gam Katmandu khuapi pan km400 kiim akigamlaatna ah Buspi mi 67 apuakhat December 8, 2014 ni in kibung a mi 14 amun ah sipah in mi 3 zatopan sikik uhhi. adang 50 tezong liammang uha, avek un zato kipuak uhhi. voanews.com

Lungdam ei 
Thang Khawm Pauzomi 
http://zomipausektak.blogspot.com/…/tulaai-leitung-thuthang…

 


Comments




Leave a Reply