WWW.TUNGZANGNEWS.COM

 
GZI Global Zomi Idol 2015 vai ZIUSA Music Department pan tangkona leh Thuzaksakna

Leitung gam tuamtuam a om Zomipih a kua maciat  2015 Kumthak thupha ih vekpi tung ah ong tung ta hen ci in, a masa in kong hopih  nuam hi.

Zomi ten ih bawl ngei nailoh Leitungbup huam in Zomi ten ih omna gamkim pan lakidemna Global Zomi Idol bawl ding thu central Zomus Yangon pan in ZIUSA innteek sep ding ong ngetna om bang in,ZIUSA in zong thukimpih in ki sang ahih man inZIUSA Music Department te tung ah  ma pang a, sep khiatpih ding inongsehna tawh ki zui in, ZIUSA Music Department a hi Idol committee leh concert committee te in December 13, 2014 Saturday nitak 5:00 PM pan 8:00PM dongthu kikupna ki nei hi.A nuai a bang in hoihsakna leh khensatna te a tom in ki nei hi.

1. GZI kidemna pawipi ding pen 2015 July forth weekend  July 05,2015 Saturday ZIUSA Kumcin khawmpi tawh ki thuah in, Zomi te  USA gam sung ah a tam tenna pen a hi Tulsa Khuapi, OK ah bawl ding in hoih ki sa in ki khensatna kinei hi.

2.  USA gam sung Idol audition a kipan top ten a ding mi nih ngah khiat na ding in,US gam sung a local kipawlna Zomi Innkuan te tawh ki kum khawm in center tuam tuam khen in, a dawl dawl in ki dem ding aa,local Zomii Innkuan kipawl na ten ong vaihawmpih zawh kei leh,USA gam sung a Idol a omsa mi guk sung pan in kidem sak in top ten a puak theih ding mi nih ki teel ding hi.

3.  GZI IDOL Prize ding pen Central Zomus pan ong thusunna uh mah bang in, US $ 5000 ding hoih kisa hi.Tua sum ngah theihna ding in Central Zomus min in Fundraising ong bawl leh lemzaw ding in hoih kisa hi.

4.  GZI Contestant top ten teng in US Visa a ngah theihna ding in,sapna kiciantak in ki vai hawm sak ding hi.

5.  GZI kidemna pawi vai tawh ki sai, ih tangtut zawh na ding in, ZIUSA EC pan zat theih zah ding ong ki phal zah ban ah,a ki sam lai ding sum  pen  ZIUSA Music Department a hi  Idol committee leh Concert Committee in ZIUSA sung ah  a hih theih bang bang in kum thak pan ki pan in Fundraising bawl theipah  ding hi.

6.Hih GZI vai tawh ki sai in inn teek sem ding ZIUSA inmaban te ih kal suan theih na ding in, ZIUSA Music  Director Pa Thang Do Hang( Hangpi) in, meeting sap kikupna a tuam tuam te a kisapna dung zui in ong tang zang ding leh vai ong pua ding in thu ki pia hi.

Thu kikup ki pat na ding in, Rev. Kap Khan Mang thu ngetna tawh hun ki pan in, ZIUSA President Pu Go Sawm Khup in thu kong honna ong neih sak in, ZIUSA Music Director Pa Thang Do Hang in, kikup ding thu te thusunna ong nei in, mimal kim in thu kikupna ah suakta tak in ki hel kim tek hi.Lungkim huai tak in kikupna  te ki zo thei a, Pu Go Sawm Khup thu ngetna tawh hun ki khak hi.

Thuciamteh leh Thu tangko khia,

Pa Thang Do Hang( Hangpi)

Music Director/ZIUSA

Miami, Florida

USA

 


Comments




Leave a Reply