WWW.TUNGZANGNEWS.COM

 
Tulaai Leitung Thuthang Tuamtuam Updates Jan 19 ,2015

·      Israel leh Syria gam kikaal Jordan guunpi gaalkhat  Golan leitang tung Syria gamhuam sung a kibusa Hezbollah migilo Makaai te in January 17, 2015 ni in Israel te avau na hang in Israel ten January 18 ni in Vanlamtawh belmaai khiatdetdet uha, Hezbollah gaalkaap 6 si ci in  Syria gamsung gaalvaai thuvaaihawmpi Mohammed Issa zong kihel ci in Lebanon thuneite in genkhia uhhi. 2006 kum in Israel leh Hezbollah te ni 34 sung kikap uha, asibaangteng in Israel asuam gige uh ahihi. BBC

·      US gam Delaware state a US Vice President Joe Biden teenna inn agaal lamziikpi pan mawtaw tawh taaikhawm in thautawi khat in January 17, 2015 ni in gaalkaap ek a, akap laaitak un Vice President pa inn ah omlo bilbel ban ah asi aliam, asialua omsamlo ci in US thusim kante in January 18 ni in taangkokhia uhhi. Hih thu hang in Vice President Joe Biden khasia ngeungau mahmah hi.BBC

·      Canadian Foreign Minister Mr John Baird Ramallah khuapi West Bank gam ah Palestinian Foreign Minister Riad Malki tawh kimuding in apailaaitak in Palestinian minam ten lungkimlohna nalak uha, Aktui pum 3 tawh atuanna mawtaw nadensak uhhi.Mr Baird bel sukha samlo in mawtaw bel sawpkuul ci hi. Palestinian ten Israel te ICC ah akhiatna ah Canada ten Israel lam ah pang uh ahihman in Palestinian te lungkimlo uhhi.BBC

·      Nigeria leh Cameron gamgi ah Boko Haram migilo te in Cameron gammi numei naupang akihel mi 60  January 19 ni in man in taaipih mang uhhi. Mi ataipih mangbek hilo in inn le lo 80 vaalzong haltumsak uh ci in Cameron gam thuneite in genkhia uhhi. Hih Boko Haram migilo te peen Cameron leh Nigeria kumpi tenzong athuaklah mahmah migilo te ahi uhhi.VOA

·      Kawlgam Mualtungmi party Unau ahi UNA te leh Daw Aung San Suu Kyi te January 18 ni in Nypidaw Daw Suu inn ah nainih sung kimukhawm uha, 2015 kum kawlgam bup kiteelpi ciang nasepkhop ding leh kawlgam 2008 Pingpei thukhunpi puahziading te kikumkhawm uhhi. Hih kimuhkhopna ah UNA pan Pu Gin Kam Lian ( ZCD General Secretary ) zong vakihel thei hi.RFA

·      Kachin gam Pahkant Township Lungkhim khuahuam Aungbali khuakiang ah KIO gaalkaapte leh Kawlgam gaalkaapte kikaap anithumna January 18 nidong nuamtak zomto thei uha, mipi nungkintheilo leh maainawttheilo cimawhna aom 2,000 vaal lak ah Sen gammi 100 vaal kihel uhhi. HIh Sen gammi te bangmah acihloh nading in KIO ten kahuding uh ci in gen uhhi.  RFA

Lungdam zeel

Thang Khawm Pauzomi

http://zomipausektak.blogspot.com/2015/01/tulaai-leitung-thuthang-tuamtuam_18.html

 


Comments




Leave a Reply