WWW.TUNGZANGNEWS.COM

 
Picture
·      Thailand gam Prime Minister luui ahi Ms Yingluck Shinawatra  Thailand kumpi ten  mizawng te Buhtang azuaksakna mun ah asepding semlo ahihman in thubawlding ci in Thailand Parliament te in January 23,2015 ni in khensat uhhi. Ms Yingluck inbel mawhna khialhna kanei kikel kei ci in January 22,2015 ni  in numeisan khat ahihhang Thai Parliament 220 te mai ah aniik lem seuseu sa  in hang ziahziah hi. Tu in Ms YingLuck pen kumsung gamthu politics seemthei nawnlo ding a, thukhenzum tungding hita hi. Azenzen in mawhna akimuh leh kum 10 sung bang gilbeem ah tawlnga khading ci uhhi. Amah peen 2014 May kha in Gaalkaap ten athuneihna asuhkhiat uh ahihi.BBC

·      Suadi Arabia gamte Kumpi-King ahi King  Abdullah January 22 ni zan in Tuap natna tawh zato ah si bengbang mawk ahihman in azalaihding in asanggampa King Salman in zaluahna munlaakna leh ki-apna January 23 ni in mipite maai ah neikhia hi.BBC

·      Syria gaalkaap te in Damascus khuapi kiang  a kibusa kumpi langpang te munteng January 23,2015 ni in Vantung pan Bomb nasiatak in khiat ziahziah mai uh ahihman in mipi nautang 35 si a tuate lak ah naupang khuatheinailo mi 5 kihel hi ci in UK a phualsaat Syria gam encikpawl in taangkokhia uhhi.BBC

·      Zin le Sian khen ahilo amau le amau akikhentawm Korea gam sak le khang a kiheng thaang innkuan te vaaiding kikum khawm ni ci in Korea khanglam te thusun na Korea gam Saklam Leikha Maangpi Kim Jong Un in nonggawt vialnong na uh thu tuamtuam te kolsak masalo in notawh koho, kinuihsan sedah ni ci in ama thusuak tawmkhat tawh January 23 dawngkik hi. Zomi sung ah zong hih Kim Jong Un bang a thuneihna adeih beelbaal, Thusuak khawng aneitawm ziauziau , Ama thulo thu a asimlo honpi khat ki omlaai ahihman in ikhantohnop leh hemkhia pah zangzang dih ni ei. VOA

·      January 19,2015 ni a Kawlgam gaalkaap te dehlup Kachin minam Siamah nihte January 23 ni in Mitkyina khuapi ah kivui a mipi atul athen asim in zui zihziah in lungleen khuangaihna kilak tek hi. Ahun kibang lian mah in Yangon khuapi sung ah zong 8888 te leh Nupi kipawlna te in dahkhopna nalak ciat uhhi. Hih Sianu nihte nasepna saang inn ah zingkhua ongvaak in sangnau pangte zong saangkah ding Siama ten bang onggen tam ci in lawpi linglingsa in January 20, 2015 ni zingsang anangak laaitak un khuasung Ulian te pai in tate aw nasia nu te uh tawh nakimu nawnkei ding uh acih ciang Sangnau pangno ten nasa lua mahmah in kap in kikhuk ziahziah uha, pawlkhat bang tuni dong akah uh khawlnuam naailo uhhi.VOA


·      2014 kum President Obama kawlgam ongzin sung a agenkhaak zak ahi kawlgam ah Peace Corp te ongpuak nung acihna tawh kisai in 2015 pan kipan Peace Corp te kawlgam sung ah nasep kipan taktak tading uha, US gammi 20-30 kikaal kikuan masasak ding ci in Peace Corp pan kawlgam thu asai Ms Penny in January 23 ni in genkhia hi. Peace Corp acih peen gam akibawlpha gamte ah pilna, siamna, cidamna, lokhawhna, kiim le paam kepzia cihte a kipan pilna apia kipawlna hia, US kumpi luui John F Kennedy in 1961 kum a anakipatkhiat ahihi. Tu in leitung gam 140  bang ah huhna piaziahziah uha, kum 54 upa ta ahihi.VOA

·      Iraq leh Syria gam sung ah US leh akipawlpih te in Vanlam tawh nisim phial mahmah in IS migilo te do thapaai napin IS te bangzah kigozo cih mipi te kithei nuam mahmahding ahihman ci in Iraq gam US palaaipipa Stuart Jones in January 23 ni in thusuahna nei a, tuniciang IS migilo 6,000 kiim kigozo hi ciin taangkokhia hi. Halleluiah! IS gaalkaap peen 9,000-18,000 atampeen leh 31,000 bek hici in US thukante aseh uh ahihi. Atamzaw akigozo ongsuak ta hi. ABC

Ka kipaak mahmah ee

Thang Khawm Pauzomi

http://zomipausektak.blogspot.com/2015/01/tulaai-leitung-thuthang-tuamtuam_23.html

 


Comments




Leave a Reply