WWW.TUNGZANGNEWS.COM

 
Tulaai Leitung Thuthang Tuamtuam Updates Jan 9,2015

·      Piantit gam Paris khuapi sung a  om Charlie Hebdo thuthang zum  Jan 7 ni kap in mi athat Muslim migilo 2 te Jan 9 ni in Paris khuapi khunglam ah Piantit palik te zan um uha, Vankholna innpi sung khat ah mi pawlkhat mancip a aomlaaitak  Palik ten kap in golum zo uhhi. Jan 9 ni mah in Paris khuapi nisuahna lam Vanzuakna innpi khat ah Thautawi khat in mi  pawlkhat naman leuleu a Piantit gaalkaap te in zialphei leuleu in mikiman 4 kaplum kha in  4 liam uha 15 honkhia zo in mimanpa zong thatlum uhhi. January 9 ni peen Piantit gam ading in kumthak zawh siluanna anihveina hita ahihman in Piantit President Hollande in  mipi te khanglosa omding leh kipumkhat na in gaalhiam hoihpeen hi ci in hanthawn hi. BBC

·      Thailand Prime Minister hihna pan thuneihna zangkhial cih ngawhnatawh May 2014 kumpan Gaalkaap te hepkhiat Ms Yingluck  Shinawatra  Bangkok National Assembly  ah Jan 9 ni in amawhlohna thu pulaakkhia ding in maitai siusiau sa in ongdawk kik a,  thugenna nei  in mangkik leuleu hi. Amah peen Thailand Prime Minister ni 1,000 sung aseem kha ahihi.BBC


·      US gaalkaap te in Europe gamsung bulphuh gaalkaap leen mun 15 khaakcip ding a, Asia gamlam belhei pheiding ci in Defense Minister Chuck Hagel leh Pentagon te in Jan 9 ni in taangkokhia uhhi. Adiak in EU gamsung ahi German,Italy  leh UK gamte ah tam omdeuh a gaalkaap 60,000 om ci uhhi. Hih EU mun 15 a gaalkaap leen akhakna hang un US ten kumkhat $500million kholzo tuamding cixen ei. BBC

·      Iraq gam Samarra khuapi  IS migilo te in Jan 9 ni in nasiatak in avui atangtawh do uha,tuaban ah mitam zawdeuhna mun 5 khawng ah bomb pauksak kawikawi uh ahihman in mi 2 that uha 28 liam hi. Samarra khuapi IS umcih pianta ahihman in Iraq gaalkaap te leh alawmte patau simpian uhhi.BBC

·      Pakistan gam Rawalpindi khuapi sung  Shi’ite Muslim minamtawmte veengsung ah Jan 9 ni in nasiatak in bomb puakkham a mi atawmpeen 6 si in sawmpan atungsiah liam in amiphazawh kiciannaailo ci in Pakistan palik te taangkokhia uhhi. VOA

Lungdam

Thang Khawm Pauzomi

http://zomipausektak.blogspot.com/2015/01/tulaai-leitung-thuthang-tuamtuam_9.html
 


Comments




Leave a Reply