WWW.TUNGZANGNEWS.COM

 
Thuthak tuamtuam Feb 22,2015

MALAYSIA GAM AH NUNGAK NO KHAT

Syria gam a IS te kiang ah pai ding in akimuan mawh kum 14 apha Malaysiagam mi numei khat, Malaysia gam mi pasal khat in 2,000 RM pia hi.Bukit Aman Special Branch Counter Terrorism- Datuk Ayob Khan ii gen cian na ah, Nungak no nu in sum 2,000RM, vanleng ticket ngah in, Egpty gam ah sangkah ding in Malaysia gam pan paiding cihi.FaceBook pan IS te tawh akihopi khit uh ciang nungkum November kha in IS te kiang ah pai nuam na nei khitta hi.Cairo pai ding a akithawi kum 14 apha nungak no pen Tuesdayni in KL vanleng tual ah 7:30 in kiman hi.amah pen Cairo ah kum 22 apha Al-Azha university a sang nuapang khat tawh kiteen ding in gel uh a, tua khit ciang Turkey pan in Syria gam ah pai sawm uh ci in thu kan te in gen uhhi.Ref: Star paper.

MIPI THEI NOP MAHMAH
Holly Wood Star,UNO palaai sem ngei,Oxford University pan a sang man ngiat Emma Watson kum 24 leh Prince Harry kum 30 te kithuah uh hiam cih mipi te in thei nuam mahmah uhhi.Watson pen mi tuamtuam tawh na kikhawl ngei a,tua te lak ah Harry Porter film a akineih khempih Tom Felton,lasiam Goerge Craig leh Oxford sang a akah pih ngiat Will Adamovie te tawh kithuah uh a, ahih hang in aman khen khinhi.Anunnung pen alawm ngaihpa ahi rubby player Mathew Janney tawh akikhen khit uh ciang in Prince Harry in email tawh laikhak in kithuah ding na zawng hi.Hih bang a khat vei kimuh na ding ah kumpi pa tapa deuh mah in om in thusiam mahmah in Prince Harry in Emma Watson ii lawm te mi 12 na zawm hi.Prince Harry in ngaih tuak mahmah hi.Watson pen pilna sinna lam ah sang mahmah ban ah amel zong hoih mahmah hi.Prince of Wales, Prince Harry zong mi tuamtuam mah tawh na kikhaawl in, tua lak ah Zimbabwe sittni Chelsy Davy leh kineih khemsiam (actress) Cressida Bonas te tawh na kithuah mahmah uhhi.Prince Harry pen tua lai tak in British galkap ah captain ahihi.Ref:Justjared.

LEITUNG A INN SANG PEN KAANG
UAE gam Dubai khuapi marina district a om leitung a inn sang pen Saturday ni zing lam in kang hi.Hih inn sang mahmah pen pi 1,105 sang in, mei pen that 50 na pan in kaang in ummawh uha,huih nung nahang in malang tak in kilawh cihi.Ahih hang in ah tu in hoih tak in kem thei uh cihi.Hih meikang tawh kisai a mit a mute ii gen na ah titanic tawbaw tawh kibang cihi.Meikaang nahang in mi za sial te in mundang ah kihem khia uha, mi a sawm sial in meikhuu hang in liam uh ci in Gult news in gen hi.Hih inn sangpi pen tuma kum li lai in akihon ahihi.Ref:HRO.

NAUPANG 89 MAN
Thau tawi te in Sudan gam khang lam ah naupang pasal mi 89 kim man uh hi ci in UN Children agency te in gen uhhi.Hih pen kumpi te leh gam nuai mite kido na hang a om na’ng neilo, mi tul val te omna camp Malakal khuapi ii saklam a thupiang ahihi.Unicef te ii gen na ha thawitawi te in inn khat khit inn khat ah pai in naupang kum 12 tung siah man uh cihi.Nung kha in Human Right te in kumpi te leh gam nuai mite in naupang galkap ding in la ci in siat uh a, ahih hang kumpi te in nial uhhi.Hih sundan buai na pen President Salva Kiir in deputy Riek in galkap te in kumpi thuneihna lading in geel sim hi ci in apaikhiat a kipan ki buainaom hi.UN te umna ah naupang 12,000 pen South Sudan ah galkap ding in kizang ding in nung kum in lam en uhhi.Gal kikap na hang in mi awm 1.5 te in omna ding nei lo in mi 2.5 te in annek ding haksak in om uhhi.Ref:BBC.

RUSSIA GAM DAN PIAK NA DING IN
Russia gam ah dan piakthak neihna ding in Saturday ni in US leh Britain te kikupna nei uhhi.Hih bang a akikupna uh hang pen kalkhat bek apha pan kikap loh ding thukimna pen kisia ding dan a omna hang a akikup uh ahihi.Hih pen John Kerry leh Hammond in Satutrday ni in London ah kikup uh a, gal kikap loh vai ding ling kim na pen palsat uh ahih man in,tua tawh kizui in bang cih adan piak ding tawh kisai in Obama in asawtlo in khensat ding ci in John Kerry in gen hi.gal kisim tawh kisai in anih tuak in akimawh siat tuak uh a, kikap loh ding lungkimna tawh kituak in agalmat te tuak uh Saturdayni in Zholobok khuata ah Ukrain galkap 130 leh Russia deih thautawi te 52 te kikhek na nei uhhi.April kha akipan kikapna hang in mi 5,700 si in, mi 1,500,000 in a inn alo uh nusia in tai ci in UN te in gen hi.Ref:VOA/BBC.

KOKANG BUAINA
Kokang a kikapna hang in mi 130 kim sikhin hi ci in Kawl gam kumpi in gen khia uhhi.Tua ban ah gal daihna aom mateng in kado ding un hi ci in kumpi te in gen khia uhhi.Lt.General Mya Htun Oo in thuthak kaikhawm te tawh kimu na aneihna ah hih kido na ah kumpi galkap Ulian te akihel in mi 61 si in, gam nuai mite 72 si leh galkap te za val liam cihi.Kido na pen nasia mahmah in helicopter te zang in kap uh thu zong gen hi.Laukkai khua a mipi te sihna tawh kisai in Kumpi te in amau kap ahih loh thu gen in, tua ban ah Red Cross te nih liam na tawh kisai in gam nuai mi te mawh siat uhhi.Hih tawh kisai in Kokang thautawi te ii gen na ah kumpi te in amawh siatna te nial uhhi. UNFC mual mi te kipawl khawm na in Kokang kido na a mipi site pen Kokang galkap te ii kap hi lo ci in thu suah bawl uhhi.Hih kido na hang in mi tul sawm lom in galtai in om uhhi.Ref:AFP/RFA.

KIMAWLNA LEIUTNG

EPL RESULTS
Chelsea leh Burley kimawl na ah 1-1 kidin uh a, Mourinho champion ngah ding lam et na haksa tuam sak a, akidempih Manchester city in New Castle pen 5-0 in zo thal hi.

Aston viila 1-2 Stoke city kizo, Arsalnal in Crystal Palace 2-1 in zo ahih man maat piakna ah 3 na din mun ngah ta in chiampion League ah kihel theih na ding lam enna sang sak hi.Hull City in QRP 2- 1 in zo hi.Sunderland leh West Browich 0-0 ki kidin hi.Man U in swan City pen 1-2 in lel ahih man champion League lam en na beisak tuam hi.

LIGA SPAIN
Champion ngah ding a hahkat Barcelonia in Malaga pen 1-2 in lel ahih man in nakpi tak in pan la uh kul mahmah ding hi.Atlelico in Almeria pen 3-0 in zo hi.

Germany- Bundesliga
Bayer Munich in Paraborn pen 6-0 in zo ahih man in maat piak na ah Bayer in maat 11 in makai hi.
Ref:Goal.

Cin Ngaih

 


Comments

Alex
11/28/2016 08:32

nice

Reply

Through the education you are able to take wise decisions of your life and can also give positive suggestions to the others for good life development. We see number of peoples around us are well educated and have great reputation among society and everyone respect them.

Reply



Leave a Reply