WWW.TUNGZANGNEWS.COM

 
Tulaai Leitung Thuthang Tuamtuam Updates Feb12, 2015

Yemen gam a om US Palaai zum nasemte in Sanaa khuapi  Vanleeng tual anusiatkhit phet February 11, 2015 ni in US Palaai zumte zat mawtaw 20 vaal Houthi thautawi pawl in matsak uhhi. Houthi thautawi te peen Yemen gam kumpi langpang kipawlna hia, Iran gamte tawsawn mahmah te ahi uhhi. UK,US ten Apalaaizum uh February 11, 2015 ni in khakkhin uha, French ten February 13 ni khakding ci uhhi. Germany ten zong kokia omnuam kei mai ung asawtlo in khakta nung ci in February 12 ni in taangko ta uhhi.  Yemen gam peen tulaaitak Tualgaal atung hi a al-Qaeda migilo ten anuai lam teng, Shia Houthi ten akhuapi, al-sharia ten  cih bang in abekbek in lahit hit tek uhhi. BBC

·      Kawlgam sung ah White Card kici ciaptehna laaikaang atawi te kawlgam kiteelna ah Mee khiatheih ding ci in sawtnaailo khat in Kawlgam Parliament in thukimna nei himah leh February 11, 2015 ni in White Card acihkheempeuh kibeisak ta hi ci in Kawlgam kumpi te in taangkokhia leuleu uhhi. White Card tawi kheempeuh in March 31-April 31 ni kikaal kumpi ah apkik ding ci uhhi. BBC

·      Shan gam leh Sen gamgi  Laukai khuapi sung a om Dah-Kah-Sah kawlgam gaalkaap te leenpi Kokang gaalkaap ten February 9-12, 2015 ni ciangdong nisim in kikaapna aom ban ah Feb 12 ni in  nasiatak in sim ek uh ahihman in khuasung mite khepi thawlthawl na munciat ah gaaltaai zihziah uhhi. Ni 4 sung bang kikaapna ah Kokang gaalkaap 3 bek sipan ci in gen uhhi. Kawlgam gaalkaap te ahihleh Gallkaap nautaang 42, Alubawk 5, sikhin in Alubawk 11 leh Nautaang 62 liam uhhi. gaalkaap mawtaw  5 zong beilawh uhhi. .BBC

·        President Obama in IS migilo te Beltung khiat bektawh kicing sazo mahmah lo in gaalkaap tha ngiat tawh Iraq anuai bang un nuaikik theihnading in Congress dawlnih ah laai leh kam mahmah tawh February 11, 2015 ni in thuum ngeetngut hi. Azenzen in Congress in thukimna ongpia leh IS te gual lel ngeingei ding ci in Pu Obama in cil tui kaailiang in gen niloh hi.BBC

·      Ukraine gam sung ah daihna aom theih nading in German,Piantit,Ukraine leh Russia te Balarus gam Minsk khuapi ah February 11, 2015 ni  thukikup khopna nei uha, Russia te sawltaak thautawi te leh Ukraine kumpi te February 15 ni zingsang tuung akipan langnih kikaap nawnlo ding in thukimna hoih ngah uhhi. Tua ban ah Ukraine gamsung a om gamdang gaalkaap te Russia gaalkaap kihemkhia ding cihte a kipan thukimna nam 7 ngah uhhi.VOA

·      Niger gam sung ah huaisia tak a agamta  Boko Haram migilo te Niger gaalkaapten February 6 nipan kipan ado ngekngek uh February 12 niciang migilo 260 thatlumzo uha adangtampi man in gialhiam tampi zong matsak zo ci in February 12 ni in taangkokhia uhhi.VOA

·      USA gam North Carolina state  Chapel Hill khua ah Mikangte Craig Stephen acihpa in Feb 10,2015 ni in avengte ahi Muslim biakna zui unau putu vive thum kaplum ziau in palik te kiang ah ki ap hi. Hih mi 3 te February 12 ni in kivui a Muslim biakna zui mipi 5,000 in si zui uhhi. Palik te upmawhna ah mawtaw koihna vaai kinial napan kikapna piang hiding in ummawh uha, athuakten bel Muslim te ongsimmawh cihlam la uhhi.VOA

Lungdam mai ei

Thang Khawm Pauzomi

Leelkhial,hawmkhialh aom leh Ngaihdam bawm sung ah maw

http://zomipausektak.blogspot.com/2015/02/tulaai-leitung-thuthang-tuamtuam_12.htmlt.
 


Comments




Leave a Reply