WWW.TUNGZANGNEWS.COM

 
Picture
Tulaai Leitung Thuthang Tuamtuam Updates Feb13, 2015

·      India gam tawlam Karnataka state sung Bangalore pan km40 na ah February 13 ni zingsanglam in Meileeng khat kibung a mi 11 si in 17 aliam kipuakhia a, meileeng sung ah asi ahing akitelcian naailo mi tampi tak awkcip laai ci in Meileeng lam thunei te in taangkokhia uhhi.BBC

·      Pakistan gam Peshawar khuapi sung a Shia Muslim te Biak inn ah February 13 ni in mipi in Vantaw phen in abungbut seuseu laaitak un Taliban migilo thautawi mithum in akap gawp ban ah khat bomb tawh kipuakkham sak lailai ahihman in mi 20 si in honkhat liam uhhi. Palik te ahusa azakciang umcihpah uha, khat kaplum kizo uhhi.BBC

·      Hollywood kineihsiam mahmah Jackie Chan I pata Jaycee Chan kum 32  khamtheih guihtheih tawh China kumpi thunei ten kha 6 sung akhumcip khit ciang February 13 ni in ongsuakta ta hi. Jaycee Chan peen Kineihsiam zong hi in Lasaksiam minthang khat zong ahihi. Apa Jackie Chan in zong kata pa ongsuahtaak kalungdam ee ci in akhualziinna lamkaal pan genkhia hi. Jackie Chan peen tulaaitak Asia gamsung teng ah akhuithak Dragon Blade taangko in avak kawikawi ahihi.BBC

·      Daw Aung San Suu Kyi a pa inn sung ah akikhumcip laai a kizang sik kongkhak pi leh inn nambat te kawlgam sum Awn 5,000 tawh aleiding kimuta ahihman in February 13 ni  pan kizuak nawnlo ci in NLD ten taangkokhia uhhi. Hih Pi nu inn kongkhak peen January 31 pan Awn 2,000 tawh kuan leingam ci a ataangkokhiat uh ahihi. RFA

·      Iraq gam a IS migilo te tusung teng mihing kibehlap in onghat mahmah uha, al-Baghdadi khuapi February 13 ni in onglakik zo uhhi. Hih al-Baghdadi khuapi pan Km 13 na ah   US gaalkaap Commando ten Iraq gaalkaap te galdo kisinsak ziahziah uha, tu weekend sung mahmah in ut in ut kei in leilam tawh kivik  kha mai ding ci in US gam te Gaalkaap phualpi Pentagon pan taangkokhia  uhhi. VOA

·      Kawlgam Ngapik gaalkaap te in Kokang gaalkaap te phualpi ahi Lauhkai Township sung  Phongchuisian khua vanlam, lei lam tawh February 13 ni in nasiatak in buluh uha, Kokang ten zong ahihzawh zah mah un nanang keeikaai ahihman in  Kawl gam gaalkaap te leh kin uhhi. Ngapik ten gaalvanleeng azat hang Kokang ten Settawh kithuah thaulian te nei in tuatawh nakap ek uh ahihman Ngapik gaalvanleeng hawlte sibup dekliang in kileh pahpah uhhi. Asi a aliam bangzah cih thu kitel naailo hi. IRRAWADY

Lungdam ei

Thang Khawm Pauzomi

http://zomipausektak.blogspot.com/2015/02/tulaai-leitung-thuthang-tuamtuam_13.html

 


Comments

08/13/2017 05:08

This blog is based on a news update of India gam Karnataka state sung Bangalore and the Pakistan gam Peshawar sung a Shia Muslim. These topics is not mentioned in essay writing work even though these are important issues. We can say people can get much knowledge with this blog.

Reply

These three man are astoundingly stunning and wound up at ground zero in light of the way that they all do the most flawlessly wonderful work for us since they make the most immaculately exceptional music for us and we when in doubt understand that music are key for our soul so those necessities to listen the music of these individual they ought to go in their show.

Reply



Leave a Reply