WWW.TUNGZANGNEWS.COM

 
Picture
Tulaai Leitung Thuthang Tuamtuam Updates Feb16, 2015

·      IS-Islamic State migilo te in Egypt gammi Christian biakna zui mi 21 abanban in angawng avattan ziahziah na uh Video February 15 ni in online tungtawn in khahkhia uha, Egypt ten zong lungdam hetlo uh ahihman in Libya gam Derna khuapi a IS migilo te gitloh sinna mun teng leh gaalvan phualpi teng Gaalvanleeng tawh February 16 ni in tha ngah huaitak in ban zial uh Vantampi asuksiat ban uhah IS migilo Lomkhat nuailum ci uhhi.BBC

·      Akizom in Iraq gam Mosul khuapi IS te khutsung pan asawtlo in sutkhia taktak tading in Iraq gaalkaap te nasiatak in kithawi ta a zialtum mangding ci in Iraq Prime Minister Haida al-Abadi in February 16, 2015 ni in genkhia hi. Mosul khuapi peen June 2014 pan IS ten aluah uh ahihi.BBC

·      Zomi mipi tata tenna gam khat ahi Singapore gam te Prime Minister pa ahi Mr Lee Hsien Long kum 63  in nungkha sung a kipan Nana Cancer natna ngei a, Kaalkhat sung nasep tawlnga in ki-at ding ci in February 16,2015 ni in Prime Minister zumte in taangkokhia uhhi.BBC

·      India gam Attar Pradesh state Dulhipur khua ah Inn dawl thum a kilam khat asung a om te nuamtak ihmu dede mang bang aneih diaidiai laaitak un thakhat thu in kicim ek a , mi 13 si in adang 3 si le naang in suakta liai uhhi.BBC

·      Kawlgam Shan state saklam Kokang te gam Lauhkai khua ah Kokang gaalkaap te leh Kawlgam gaalkaap te February 9-16, 2015 nidong mah nasiatak kikaap laai uha, Kawlgam gaalkaap 47 si in Kokang gaalkaap asi 18 leh aliam mi 8 kawlgam gaalkaap ten man ci in ci in taangkokhia uhhi. Tuaban ah Computer 4,Thau 100, kihona 4 Kokang gaalkaap te a kawlgam gaalkaap ten matsa ci uhhi.

·      Shan gam saklam teng ah Kokang leh Kawlgaalkaap te kikap na ah KIO zong kihel ci in Kawlgaalkaap ten ngawh uha, tua thu hang in February 16, 2015 ni in kawlgam gaalkaap ten KIO phualpi kiang thaupi tawh gaalkaap Mitkyina lamzuan in kawl gaalkaap te athuang athuang in kinil ziahziah ahihman in KIO tawh asawtlo in kizial ding hi ci in KIO ten taangkokhia uhhi.

Lungdam

Thang Khawm Pauzomi

http://zomipausektak.blogspot.com/2015/02/tulaai-leitung-thuthang-tuamtuam_16.html

 


Comments

Awesome jets are ready to attack. But i think this is not good that every country is doing best practice to make such kinds of dangerous jets and other materials. We should live with peace each other and try to avoid mistakes.

Reply



Leave a Reply