WWW.TUNGZANGNEWS.COM

 
ZIUSA Genvai Thupulakna: ZIUSA in Pa Tuang Khan Khup luang kipham/kivui ding

Zomi Innkuan USA

Executive Committee

ZIUSA Genvai Thupulakna

February 19, 2015

A Thu: ZIUSA kipawlna in Pa Tuang Khan Khup (Charlotte, NC) luang pham/vui ding

North Carolina Gamkee, Charlotte khuapi a teng, Pa Khan (Taang Suante N. Khat) kici, Pa Tuang Khan Khup (Kum 48) in February 18, 2015 ni in damlohna hang tawh a leitung nuntakna hong nusiata hi.

Amah pen Nov. 18, 2013 ni a kipan in ZIUSA Genvai Thukhun apom, Zomi Innkuan Charlotte kipawlna Pawlmi kician khat ahih manin, ZIUSA Genvai Thukhun zui in Zomi Innkuan USA kipawlna in Pa Tuang Khan Khup’ luang kipham/kivui ding hi.

Pa Tuang Khan Khup pen Zogam Cingpikot khuami hi a, a zi leh a tate Tedim khuapi ah omlai ahih manin US gam ahong tun theihna dingun a vaihawm laitak ahi hi. A zi Nu Cing Za Dim tawh ta pasal khat leh ta numei nih nei uhhi.

Pa Tuang Khan Khup in mual hong liapsanna thu pen Zomi Innkuan Charlotte kipawlna Makaipi Pa Pau Sum in hong ko a, Genvai Tanupawl in ZIUSA Genvai Thukhunpom Pawlmi kician khat a hihna hong kipsak uhhi.

Tua ahih manin, Pa Tuang Khan Khup’ luang phamna/vuina sum dingin, ZIUSA Genvai Sum sung pan $10,000 (Dollar Tul Sawm), Zomi Innkuan USA kipawlna min tawh kipiakhia ding hi.

Hih Sumte Zomi Innkuan USA kipawlna tang’in Zomi Innkuan Charlotte kipawlna Makaipi Pa Pau Sum makai in Makaite Genvai Tanute in innteek bangkuate tung ah hong piaksak ding hi.

Executive Committee

Zomi Innkuan USA

GSKhup

President

Tulsa, OK

February 20, 2015.

(Theihsakna: Pa Tuang Khan Khup pen Feb. 21, 2015 ni in hanmual ah kikha ding a, ZIUSA kipawlna min tawh Dahna Pulakna kibawllai ding hi).

Zomi Innkuan USA

Executive Committee

 

 


Comments

The language of this blog is quite different from the languages of specific blogs. we should read this blog for the sake of knowledge and information also. It would understandable for those people who are already perfect in reading all types of blogs.

Reply



Leave a Reply