WWW.TUNGZANGNEWS.COM

 
Picture
Zomi Nam Ni Malaysia 2015 Zomi Nam Ni (Malaysia)


Tukum Zomi Nam Ni pen a lamdang le lamet hetlohpi in hihzahta in gualzawhna ihngah pen Topa tungah lungdam ih koh ciat ding thupi kasa masa pen hi.

Zomi Nam Ni a kibawl sim a masa pen in bang hi in na ngaihsun kha ngei uh diam? 

Zomi a tawm pen 5000 bang tat theih na ding mun kicing or hall golpi khat kingaihsun masa pen hi. 

2015 kum bilbel pen Zomi Nam Ni Feb 20, ni pen Zomi te hall ihzat zel Chin Woo Stadium pen booking omkhin bek thamlo ih bawl nuam phial zongin a mun a kingahlo hi. Amun dang ah kibawl theilo maw?

Kibawl thei mah e. Zomi Nam Ni siim ding in mimal 6000 (a mun a va pha limlim) val bang ading Chin Woo sang in a lemzaw omlo hi. Chinese Assembly hall lah kiphuah laitak hi. Tua hi in Zomi Nam Ni tawh a kinaai pen le a lem pen hunding ni kiteel khia in a kibawl hi. Feb 20, ni in mundang ah ih bawl phial zong in Zomi hizahta a painop hangin lamkaal mangthang ding hi. 

February 20, ni lem theilo a hih teh tua ni madeuh bawl ni a kici hizaw hi. Pawlpi tuamtuam pan camp bawl, Crusade bawl le khua kipawlna meeting tuamtuam zong a kinei kim a hih ciang in hih February 19, ni a bawlding a lempen hizaw hi.

February 20, ni ki mangngilhta maw le?
Ki mangngilh deksuailo hi. February 20 & 21 ni pen ZAM hall ah nasiatak in Zomi vai kikupna le Zomi Nampi Ni ki bawl veve hi. 2015 kum pen Zomi Nam Ni pen ni 3 sung a kibawl hizaw hi. Mipi tawh bawlna le Zomi thu kamkupna a kibawl hizaw hi.

2015 kum Zomi Nam Ni pen banghang in February 19 ni in mipi tawh Chin Woo stadium ah kibawl hiam cih a theilo te in a kibawl na a hang theih masak kisamsa ka hihman in hih thu hongpulaak ka hihi.

A kicingzaw in zong a thei nehnuam ih om le kahbehsawm ciatzaw ni. 

Zomi te mabaan khempeuh.... Pasian sungah ap ni.

P. S - Zomi hizah meimai te ading in bang nasem ngei hiam? Bangmun ah panla na hiam? Mi gensiat lam ah panla zawlo in hih mimal khempeuh ii mabaan ah leisek tum tawng khat a kisapna ah zattheih di panlaksawm ciat ni. Ih zing vaihawmding ka ngaihsut teh kei ka lungkham zaw. Mimal hihzah in Malaysia ah teengsuak hetlo mawk ding ih hih ciang in mainawt khawm ciat zaw ni. Negative view tawh mi ih koko hun hilo in Zomi te Malaysia pan koilam ah ...........koici mainawtding geelkhawm zaw ni, Sanggam!!!!

Topa thupha!!!!

Francis Khampi

 


Comments

08/09/2017 05:50

Painting and filling the photographs with tints are my most cherished side intrigue yet now I have changed my leisure activities. Finishing the things in time keep me a long way from such interests like article making keep me so clamoring always and after that I don't have time for whatever else. In this way, for me it is fine now anyway I review those days.

Reply



Leave a Reply