WWW.TUNGZANGNEWS.COM

 
ZOMUS THUPUAK

Europe ZOMUS

A (1) veina Executive Committee Meeting

A ni     :  25th January, 2015 (Sunday)

A hun  : Nitak 8:00 – 11:00 pm

A mun : ooVoo Online

Meeting kah thei teng

1.      JK Kam                       :           President                     (Norway)

2.      Khai Suan Khup         :           Vice President             (Germany)

3.      Nang Deih  Lian         :           Secretary                     (Danmark)

4.      Langh Sian Tuang       :           Associate Secretary     (Norway)

5.      John Nang Cin Thang :           Treasurer                     (Sweden)

6.      Hau Thawn Kim         :           Associate Treasurer     (Germany)

7.      Gin Khan Tuang         :           Auditor                       (Sweden)

8.      Thawng Zo Mung       :           Member                       (Sweden)

9.      Niang Khan Than Cing :         Member                       (Norway)

Thu kikup leh khentatte:

1.     Europe sung a om Zomi te kimuhkhopna pawi bawlnopna vai

a)      Europe gam sunga om Zomi Innkuante EU ZOMUS tawh mapang khawm in minam ngeina pawi khat peuh ih bawlkhop theih zel ding ki lunggulh hi.

b)      Zum khak nite leh Zo ngeina pawi ih neih hunte ih etkak ciangin;

·         Febuary (Winter Holiday - ZOMI NAMNI)

·         April (Easter Holiday - SIALSAWM)

·         June-July (Summer Holiday)

·         October (Harvest Holiday - KHUADO)

·         December (Christmas Holiday) hi teng sung pan khat teitei ah Europe Zomi kimuhkhopna ih vaihawm ding hoih kisa hi.

c)      EU ZOMUS Secretary Nang Deih Lian in, “Tu kum April kha in Denmark Zomiten Crusade khat kibawl dinga tua laiah EU ZOMI mipi do zawhna ding thatang bel kinei kei ven, ahizong makai zawdeuh teng beek kimuh khoptheihna ih nei thei ding hiam” cih hong pulak hi. Ki lungdam mahmah tek a, ahi zongin mipi kihel theih ding lunggulh zawkna tawh hih hong ngetna akimang zolo phot suak hi.

d)     EU ZOMUS Vice-President Khai Suan Khup in, “October 3 ni KHUADO PAWI  ko kiang Germany ah kibawl dinga, tua lai ah EU ZOMI kimuhkhopna ding ZOMUS tawh mapan khopna nei le hang” cih hong pulak a hoih kisa  mahmah hi. Ahi zongin Norway te zong kumsim in Khuado pawi a bawlden uh ahih manin ZIN EC te in Khuado vai hong kikup khit uh ciang hi thu kikup kik dingin kikoih phot hi.

2.     GZI Final kihel ding EU IDOL ii lamsap zonsak ding vai

a)      Lillehammer-Norway ah Global Zomi Idol ah EU aiawh a kihel ding IDOL CONTEST ih kipat madeuh, 19th December, 2014 (Friday) nitak nai 4:00 - 6:00 pm in tu a ih ZOMUS Executive Committee teng kisehna kinei in, tua tawh kizom mahin EU IDOL  angah nu/pa pen GZI 2015 Final kidem mun leh gam a pai cianga lamsap ding US Dollar 1,000 (Tul khat) taang Europe ZOMUS min tawh vaihawm sak ding cih thukhentatna ki nei hi.

b)      A tunga thu tawh kizom in kikupnawina a kicing khop khat a kineih khit ciangin, nasem khawm mapang khawm liailiai ih hih ding lunggulhna tawh Europe gamsung Zomite phual omna (England, Germany, Danmark, Sweden, Norway) gam 5 bang kipha ahih manin $ 1,000/- pen gam zui in khen 5 ih suah ciangin anuaia bangin gam khat $ 200 tek zonsak dingin ki khentat hi.

UK                   -           $ 200

Germany          -           $ 200

Danmark          -           $ 200

Sweden            -           $ 200

Norway            -           $ 200.

c)      Ei omna gam tek a Zomi Innkuan ii thukhun neihsate tawh kituak lo ding cih kingaihsun ahih manin Zomi Innkuan tungtawnin sum dong lo zawin, ZOMUS makai te in Zomi Innkuan sungah mimal min tawh a panpih zo/nuam dingtein a pahpih theihna ding thu zaksakin sum donsak dingin kikhentat hi.

d)     Ih ngah sumte April 30, 2015 ni ciangin kaihkhop dingin ki khentat hi.

3.     Global Zomi Idol Fianl 2015 bawlna ding amun vai

a)      Global Zomi Idol Final 2015 kidemna ding amun tawh kisaiin Visa & Immigration vai ih etciang a kihel dingte pai kim theih zawk ding ngaihsut sakna tawh USA, Malaysia, Kawlgam hih gam 3 lakah MALAYSIA ah bawl ding hoih kisa hi.

b)      FINAL bawlna ding mun tawh kisai Global Zomi Idol Viber Chat Group tungtawnin GZI Center tuamtuam pan mitampi ii lunggulh pulakna atuamkhat a om hangin hih groupchat a omma pekin Central te in kipsaksa khat nei khin cih thu om ahih manin Central te cih mangin mapanga sepkhop phot ding hoih kisain ki khentat hi.

c)      Mailamah Global level a sepkhop ding gelna a om kik leh kipsaksa kizasak bek hilo in, center teng tawh thu kiza kikum khawmin sepkhop ding kilunggulh hi.

d)     Plan “A” ahi USA abawl ding vai tuamtuam hangin lemlohna a om leh Visa siauhna ding hun kisam ding ahih manin Central lam pan a manlang thei pen in plan “B” hong zaksak pah theihna ding zong ki lunggulh hi.

 

4.     Europe ZOMUS mapanna ding SUMBUL zonna

 

a)      Gam tuamtuam a om Zomite tawh mapangkhawmin ZOMUS in nalianpi ih sepzawhna ding akisam SUMBUL zon ding hoih kisain ki khentat hi.

b)      EU ZOMUS sumbul zonna ding a kingaihsut khop ciangin mimal in kizawhzah khat khitkhat kidongtek a, hih anuaia bangin ZOMUS SUMBUL kamciam kingah hi.

JK Kam                                    500 NOK

Langh Sian Tuang                    500 NOK

Lun San Niang             500 NOK

Zam Khan Tun (Tunno)           500 NOK

Langh Muan Mung                  300 NOK

Niang Khan Than Cing            200 NOK

Nang Deih Lian                       500 DKK

Cin Suan Mang                        500 DKK

John Nang Cin Thang              500 SEK

Gin Khan Tuang                      500 SEK

Thawng Zo Mung                    300 SEK

Ciin Za Lun Cing                     300 SEK

Khai Suan Khup                        20 EURO

Hau Thawn Kim                        30 EURO

c)      Hih atung a tengpen meeting hong kah teng leh thu kizakpih pak zawdeuh teng ii kamciam hong piak pak theiteng bek hi a, hong kihel kha nailo Europe Zomi mimal a kuamapeuh in zong ih kizawhzahciat tawh mapan ding in ih ki hanthawn a, ahun zui in report ih kipia kik ding hi.

5.     A nihveina Europe ZOMUS Meeting ding

A nihveina Europe ZOMUS online meeting pen 8th March, 2015 (Sunday) nitak nai 7:00 ciang neih kik dingin ki thukim hi.

Pasian leh Minam itna sungah

Vekpi tangin

JK Kam

President

Europe ZOMUS

 


Comments

07/28/2016 11:45

This is really informative post for all time that update their page after every minute but here you have post a list of various countries ranking. Now, it is big need to spend most time to post this type of news because if every person touch with authentic news then the condition will be change into peace.

Reply



Leave a Reply