WWW.TUNGZANGNEWS.COM

 
Picture
Tulaai Leitung Thuthang Tuamtuam Updates March 14, 2015

·      Kawl leh Kokang kidona hang in Sen gam sung ah March 14, 2015 ni in Kawlten Gaalvanleeng tawh akhiat uh bomb puakkhapna hang in  Sen mi 4 si a mi 9 liam ahihman in China’a Deputy Foreign Minister Liu Zhenmin in Segam a Kawlgam Palaaipi Thit Hlin Ohn kiang ah leengla akhah ban ah, Kokang kuam Sen leh Kawlgam gamgi dung ah Sen Gaalvanleeng te leengsak hiamhiam ta ci in Sen kumpi thunei te in genkhia uhhi.VOA

·      Pacific tuipi kuam ah akhauhpaai peen ding in kilam en Cyclone huih le guahpi kithauh in March 14, 2015 ni Vanuatu tuikulh gam no nasiatak in nawk ngekngek a, Khuasung te nangawn ah Inn le lo te vaatmaai bang in kipai zihziah hi. Vanuatu President pa bang in kalungtang nalua ci ngeungau liang hi. kumpi lamten mi 8 si ci uha, UN ten bel Penama kuam ah mi 44 si ci in gen uhhi. Gamveeng ahi Australia ten nawhsa tak in huhna kapuakding uh ci in Foreign Minister Jullie Bishop in genkhia hi.Vanuatu gam peen mimal 267,000 pha uha, tuikulh 65 ah teeng uhhi. Mimal tampeen na mun ahihleh akhuapi uh Port Villa hia mimal 47,000 teeng uhhi. Kuateng kua teng si cihzong kanman zahlo khop in amau mun ciat ah buai uh ahihman in misi miming kitel lo ban ah nitaak lam ah nasiatak nawkkik ding ahihman in nalu uh athawlthawl namun ah nakiheemta un ci in kumpi thunei ten Province 6 ateeng mipi te thupia sawnsawn uhhi.BBC

·      Iraq gam sung ah IS migilo te phualpi leh atampeenna mun khat ahi Tikrit khuapi peen abeisa kha khat laai akipan Iraq gaalkaap te leh Shia Muslim gaalkaap te kipawl in ado uh March 14, 2015 niciang 30% bek lazopan uha 70% IS te khutsung ah omlaai hi. Ahizong in Shia gaalkaap leh Iraq gaalkaap thathak saankik uha, Iraq gaalkaap 3,000, Shia gaalkaap 20,000 tawh asun azan in dokipan kik uh ahihman tuzawh kaalkhat sung in IS te khutsung pan kalakikzo tading uhhi ci in taangkokhia uhhi.BBC

·      Chile gam Valparaiso khuapi kiang March 14, 2015 ni in  nasiatak in gamkaang a kiphelh zolo in khuapi sung lawhding kithawi ta ahihman in Kumpi thunei ten akihem theithei nakihem maita un ci ahihman in mipi atulsawmlom a sim in inn le lo te nuasia in mudang amuanhuaina mun zuanding in kikhin litlit ciat uhhi.BBC

·      Catholic Biakna makaaipi Pope Francis Pope pan khawlnotuak ahihna Mexican Television te tawh thukidotna abawlna uh-ah March 14, 2015 ni in gingkhia hi. Pope kasuah zawh kum 2 cingta a, sauvei seemzo nawnlokha ding in kakilam en ci hi. Vatican huangpi sung ah kiphum liangsang khawl maiding hoih kasa zaw ci hi.Tua ban ah amah peen ama mai 2013 kum a  khawl Pope Benedict  athukimpih mahmah khat zong hi a RC sung ah Makaaiding te kumciang tan a Puteek pipi makaihna zong dik asameello khat ahihi.BBC

·      Spain gamsung teng ah ngongtatna seemding in Syria leh Iraq gam a IS migilo te tawh kizom upmawh Muslim hai up Pasal 6 leh Numei 2 March 13 ni in Kaman uh ci in Spain kumpi te in taangkokhia uhihi.Hi thu mah tawh kizawitawn in Indonesia gam pan Syria gam a IS gaalkaap luutding mi 16 khangno vive Kaman uh ci in Turkey gam thunei te in March 13,2015 ni in taangkokhia uhhi.VOA

·      Nitha tawh aleeng ahi Solar Impulse-2 kici Leitung kiimvial vanleeng India gam March 10 tuta a, March 17,2015 niciang Kawlgam Madalay Vanleeng tual tuding a mipi in ut bangbang in kiveel ki en theiding ci in Kawlgam kumpi thuthang ten March 14, 2015 ni in taangkokhia ta uhhi.VOA

Lungdam

Thang Khawm Pauzomi

http://zomipausektak.blogspot.com/2015/03/tulaai-leitung-thuthang-tuamtuam_14.html

 


Comments

You know that inaugurated ceremony of the trump coming soon and the lovers of the trump waiting for this event so long. Donald trump makes the firm decision to make the America again. For this purpose, Sam and Dave invite for the sing in this event.

Reply



Leave a Reply