WWW.TUNGZANGNEWS.COM

 
Picture
Tulaai Leitung Thuthang Tuamtuam Updates March 2, 2015

·      Africa huam sung gam khat peupeuh pan kumpi seem a asepsung paubang lo ban ah hoihtak a atawlnga te kumsim apiakkhiat det uh ahi Mo Ibrahim Prize kici sumtang $5 million Namibia gam President lui Mr Hifikepunye Pohamba in ngahhi ci in Africa makaaite in March 2, 2015 ni in taangkkokhia uhhi. Amah peen Tapong makaai pan Namibia kumpi term nih asemtosuak khat ahihi. Hih pahtawi kipia sumpeen leitung ah mimal khat tung ah akipiate pahtawi sum lakpan atampeen ci uhhi. BBC

·      South Koream leh US gamte kipawl a gaaldo kisin na pawipi ahi Foal Eagle kici gaaldo kisinna pawipi March 2, 2015 ni in Korea tuipi tung ah akipat ziahziah laaitak un North Korea te hehlua in Thaupi Tai 305 atuthei te nihtawh akhalo deuhding in kap ek uhhi ci in South Korea makaai ten genkhia uhhi.BBC

·      Iraq gaalkaap te in leilam leh vanlam tawh miglo maangpi Saddam Hussein khua ahi Tikrit khuapi IS migilo te khutsung pan laakkik zawhnading in March 2, 2015 ni in gaaldona lianpi khat nei uhhi. Khuapi I alangphial lazota a nehsawh mahmah mai ci in Iraq thuneiten gen uhhi. Tikrit khuapi peen June,2014 pan IS migilo te abuluahna munkhat ahihi.BBC

·      Israel Prime Minister Benjamin Netanyahu  Iran Nuclear tawh kisai genzaakding in US gam March 2, 2015 ni in ongtung ta peetpeet hi. February 3,2015 niciang US Congress mun ah nasiatak thugenna neiding hi. Ama ongpaina vaaipeen US The Speaker Of The House John Boehner I sapna himawk ahihman Democratic part Ulian atamzaw in Israel PM Benjamin tawh kimungiat lo ding in khensat uhhi.BBC

·      UK gampan Sen gam zin tuma kum 30 pan amasapeen  a kiciamteh thu ahi Prince William Sengam vahawh dihdih a, President Xi Jinping tawh March 2, 2015 ni in kimdengdang nong uhhi. Aki Upmawhna sang Sen Kumpipa Xi JInping in namaitai bilbel ahihman ithu hoihtuak ei kiciphot uhhi.BBC

·      Kawlgam Ngapik  kumpi langpang tinten Pi Sut Cing leh Uital Lubok Pu Thein Sein te March 2, 2015 ni in zanlam nai 6 pawl in nailang sung Nyipidaw khuapi ah kimu zual uha, Kawlgam thukhunpi, suahta tak a 2015 kum gambup kiteelna bawlnading cihte kikum uh ci in Kawlkumpi thu genhuai tengbek agenthei U Ye Htut in genkhia hi. Ulian nih kimu buangding anih un kuaman akikup uh taangkokhia lo ahihman in zawlthu genmaw, Chinmaung le Ngapik kansawm maw kuaman kithei lo hi. VOA

·      Shan gam saklam Kokang te huangsung ah Kawl Ngapik gaalkaap te leh Kokang gaalkaap te gaalkaap te Feb 9,2015 nipan akikaap ngeekngeek ni 20 avaal ta gaal kidona nasia semsem a adiak in March 1,2 sung huai sia mahmah tatsatlo in kisai ngekngek uhhi. Kawl ten Kokang te gaalpan na hoih mual 6 khat khit kala ciatciat uha, 3 that in 15 kahing mat uh, kolam ah bel 4 si ung ci in taangkokhia uhhi. Kokang lam pan ahihleh Kawlgaalkaap bel 10 pan atungsiah si in kolam pan 3 si ung, Kawl ten thaupi, Thank te a kipan gaalvan aneih kheempeuh uhleh gaalkaap athuangthuang in ongtung sakziahziah uh ahihman kidona masuan peen limci laai mahmah ci in gen uhhi. VOA

·      Mandalay khuapi pan Yangon lamzuan a lungphona bawl Kawlgam Siamsin te Ngapik palik 300 kiim in  March 2, 2015 ni in nakhaaktan in na umcih uh ahihman in buainalianpi khat piang hi. Mon state lampan ongkipan te zong khawltuan  lo in a ngapngap un ongpaisuak ding uha, Yangon khuapi ah akiukiu pan ongkituah ding  ci uhhi. BBC

Lungdam

Thang Khawm Pauzomi

http://zomipausektak.blogspot.com/2015/03/tulaai-leitung-thuthang-tuamtuam.html

 


Comments

Israel president and their wife are come to visit the Africa where they see the population and their regular needs which is very good for the people who lived there. This is very good news for the African residence because they president are come to make some works and statements which are nice and kind heart.

Reply



Leave a Reply