WWW.TUNGZANGNEWS.COM

 
Picture
ZIUSA Thupulakna: US gam sung a om Zomi0te Khuado Ni - October kha Kaal Nihna Saturday

Zomi Innkuan USA

Executive Committee

Thupulakna: March 17, 2015

US gam sung a Zomi-te Khuado Ni

Zomi Innkuan USA kipawlna Board of Directors pawl in February 7, 2015 ni in, 2014~2015 kum a nih veina Thukikupna lawhcing takin bawl a, tua Thukikupna sung ah United States gam sung a om Zomi khempeuh in Khuado Ni khat kipsak in dokhop dingin thukhensatna kibawl hi. Hih Thukhensatna tung tawn in, bang ni pen Khuado Ni in kipsak ding cih thu Executive Committee pawlin a thu a la tawh khinkhai in kikan a, anuai a ni thum teng kiteelkhia hi.

ZIUSA EC in ateel Khuado Nite:

1. September kha Kaal Nunung Saturday

2. October kha Kaal Masa Saturday           

3. October kha Kaal Nihna Saturday

ZIUSA Board in March 10~14, 2015 ni sung tengin Online Voting System zangin, a tung a ni thum  sung pan bang ni pen US gam sung a Zomi-te Khuado Ni dingin kipsak ding cih thu tawh kisai Vote khaina kibawl hi. Tua Vote khaina tungtawn anuai a bangin ZIUSA Board Member-te in Vote khia uhhi.

ZIUSA Board Vote khaina:

1. September kha Kaal Nunung Saturday      : 11%

2. October kha Kaal Masa Saturday               : 24%

3. October kha Kaal Nihna Saturday         : 65%

Tua ahih manin, kumsim October kha Kaal Nihna Saturday ni pen US gam sung a Zomi-te Khuado Ni dingin ZIUSA Board Member atamzaw thukimna tawh kikipsak hi.

US gam sung mun tuamtuam a om Zomi khempeuh in minam khat, si khat sa khat, sanggam unau laizom khat hihna tawh kipumkhat in, October kha Kaal Nihna Saturday ni ni Khuado bawl ding (Khua do ding) in hong kihanthawn hi. Tu kum, 2015 kum Khuado Ni pen October 10 ni hiding hi.

ZIUSA Board of Directors pawl pen US gam sung a om Zomi Innkuan kipawlna (42) panin akipuak Tangmite (Representatives) leh ZIUSA Executive Committee panmunlente tawh a kilam hi a, US gambup a om Zomi taangpi taangta buppi sung pan mipi 80% tang’in a ding ahi hi. ZIUSA kipawlna Thukhunpi leh Ngeina Dante tawh kituak in ZIUSA kipawlna tawh kisai thuneihna asang pen anei ahih manin, ZIUSA Board thukhensatna bangin kithutuak takin kalsuan khawmni ci in itna takpi tawh hong kizawn hi.

Executive Committee

Zomi Innkuan USA, Inc.

Tulsa, OK

March 17, 2015

 


Comments

03/29/2017 07:23

The picture is amazing and the country that is mentioned here is truly amazing. As there are many of the new offers that are giving to many of people there. The opportunities are only on the base of their skills and not on any recommendation or other useless things.

Reply



Leave a Reply