WWW.TUNGZANGNEWS.COM

 
Zomi Laizom u leh nau, nu leh pate aw,   Zomi Innkuan USA kipawlna vaihawmna, Zomi Innkuan Oklahoma kipawlna innteekna, mun tuamtuam a om Zomi Innkuan kipawlnate pankhopna, pawisiim mipite hanciamna, khuanu khuapate deihsakna leh panpihna, Pawlpi tuamtuamte thungetsakna tawh “Zomi Khawmpi USA” pawipi lawhcing tak leh, picing takin bawlzo ihhih manin, nakpi takin ih lungdam a, Anungta Pasian min ih phat hi.   Hih pawipi tawh kisai LUNGDAM KOH ding tampi om a, tuate pawipi hun sung ah kahong pulak ban-ah, LUNGDAM KOHLOH APHAMAWH mapang mipil misiamte, khuanu khuapa, ulian mihaute tung ahzong LUNGDAMNA hong ko lailai nuam ingh.   Tuate sung panin, anuai a, Zomi mipil misiam, muan leh suan, zahtak siapite tung lungdamna ih pulak hi. Zomi-te lak ah amaute bang-a mipil misiam ih om pen nakpi takin ih angtang hi.   
  • Leitung mun khempeuh pan a ki-et theihna dingin Online Video Live Webcast (Video Streaming) hong bawlsak, Electronic & IT Engineer-pi Sumpi (OU), 
  • DVD bawl theihna dingin Video Live Edit hong bawlsak, Phaitui Media pan Sia Sumpi (FGA), 
  • Main Stage Video Camera - I len-in tatsatlo a Video lim hong laksak, Zomi Learning Center (ZLC) pan Sia Lianpu (OSU), Sia Lianpu in Zomi Innkuan USA Media panin a hun zui-in Video hong suaksak toto thei ahih maninzong lungdamna thu genbek tawh kicing zolo hi. 
  • Main Stage Video Camera - II len-in tatsatlo a Video lim hong laksak, Zomi Innkuan Buffalo kipawlna President, Sia Sawmlian (NY), 
  • Audience Video Camera – I len-in, pawisiim mipite gamtat luhekna khempeuh huamkim a Video lim hong laksak, Laizom Video pan Sia Kampu (Zomi Martial Art Video), 
  • Audience Video Camera – II len-in, pawisiim mipite gamtat luhekna khempeuh huamkim a Video lim hong laksak, bek thamlo, DVD in a kihawmkhiat zawhna dingin ahong sepsak suak ding, PT Tuang Media pan Sia PaTuang (Suanghoih), 
  • Performing Arts Center panin lam-etlopi in Internet Access hong lemlovat ahih manin, iPod pan Video Streaming (PodCast) bawlna dingin ahong huh lawm Thangpi (Tulsa) leh u leh naute, 
  • Thukhualna tawh akisam bangin Video Camera, Digital (Still) Camera zangin lim hong laksak laizom u leh nau khempeuh tung ah; 
  Zomi Innkuan USA kipawlna min tawh NAKPI LUNGDAMNA LIANPI ka ko hi.   Zomi Khawmpi Video vai tawh kisai lungdamkohna pen Khawmpi hun sung, mipi mai ah hong pulak khalo kahih manin, kisuanna lianpi tawh, amaute leh mipi tung ah ka kicinlahnate hong kimaisakna dingin ka hong thuum hi.   Performing Arts Center pen Public School ahih manin a Policy bangin sangte Internet Access zatding hi theilo a, Live Webcast pen deih zahin hong siang theilo hi. Mun tuamtuam pan ahong en akua mahpeuh tung telsiamna hong ngen ingh.   Hiteng ban-ah, a thupi mahmah, Zomi Idol USA lasak kidemna khempeuh, kiciang, siangtak, hoihtak in Video lim kikhum in, a kikhahkhiat theihna dingin In-house Ethernet System khempeuh deih bangin ahong zangsak, (Biak-innpi leh ahuang sung a inn, parking, vanzat khempeuh ahong kizatsak khitciang), Full Gospel Assembly pawlpi tung ah akiteh theihlo, NAKPI LUNGDAMNA hong ko phapha nuam ingh.  


Note tawh mapangkhawm;  
 Pa Go Sawm Khup President Zomi Innkuan USA   Tulsa,
 Oklahoma, USA July 9, 2012 

 


Comments




Leave a Reply

    Tungzang World News

    All