WWW.TUNGZANGNEWS.COM

 

Zomi ulehnau,
Ataktak in a zum huai mahmah ihihi.
Mi khat, Zomi ahi aa, kua mi, kua mi ahizongin, zu kham honkhat in vua huan uh in, gal et hithiat cih pen, gan hing zah zong lungtang apualo ihihi.
Ui kitawng zong kihuh ngeingai lai buang uh hiven, Sozang khua bup in a khuapih pa uh kivuak en ngilhngelh ta lawmlawm cih pen ganhing lak ah zong a niam pawl hilai dinghi. Sozang bek hilo in Zomite lungtang puak hih hizen hi.
Hih Sozang khua mah ah hunkhat lai in Zomi zukham khat kisat lum, ki vualum ngeihi. Zomi ahihman cihtheih ahihi. Tu'n, namdang zukham ong om ciang ei ong kivua lum cih lawmlawm pen,
Zomi hileh sat lum pah, Kawlmi ahihleh e'n sat lup tuak cihna ahihi.
Thu-ummi ihihteh aphual ah sat lum pah un kong cihet kei dinghi. Ih huhnop kei leh zong banghang phelh beklo ihihiam? Bang hang akivuaklup dong en hithiat lawmlawm ihihiam?
Mihing lungtang apua hetlo hilel hang.
Tua kawmkal ah pawl khat in, i nampihte ong kithahsak, i minam makaite koi lam tungmang uhhiam cinuamlai hihang.
Kawl zukham honkhat in avuak numei khat a huh i makaipa (Thang Mung) akivuak huan ciang kua'n i huh aa? Tua ahihleh, makai ginalo maw, nung zui ginalo?
Thu-um mi hi-in, gilo nuamlo maw ci lehang lah hilo, Zomi hileh sat lum ngam hizel.
Hihbang minamte makaih khaak sang ui tal honkhat makaih lehang makaih taak zaw lai, gawl tai zaw lai lehang kilawm kasa hi.
Sozang bek hipeuhmah kei, Zomi kicite i omom na ah hibang hilel hihang. USA natung aa, Australia, Canada, Japan, Korea, EU sung, Singapore, Malaysia natung zongin hih lungtang mah anei hilel hiteh.
Zomi ulehnau,
Hih ciang lawmlawm i lungtang puak khel huai mahmah sam in ka umhi. Pil leh hai, neih leh lam tawh zong akisai thu hipeuhmah kei. Neektawm ding a zong zawng honbek zong kisukha leh kihuh buang uh hilo hiam?
Banghang aa Zomite hici lawmlawm ihihiam?
Ih gam i lei, i mun ah namdang te'n ong sat huan uh in, ton sial et aa en lawmlawm cihpen, khasiat huai lua deuh sam loding ihihiam?
Ih mipih, ihsanggam ih U ihnau khat tung, lainatna, vei na, itna, thangpaihna, hehpihna, khasiatna, neucik khat zong a neilo minam ihihi.
Ih mul beek kim lo lawmlawm hiam?
Hang Khan Lian

Hang Khan Lian
Block 640#11-59
Bedok Reservoir Rd
Singapore 410640Collapse this post
 


Comments




Leave a Reply

    affiliate_link

    Tungzang News

    Tungzang World News

    Archives

    July 2012

    Categories

    All
    Tedim