WWW.TUNGZANGNEWS.COM

 
Dear Zomipihte,

Zomi vive ih ki muh khawp ciang nuam ngiatin zong thupi suah ngiat hi. Zomite ih omomna ih tuntunna peuhpeuh ah kipawl kikhawlh nuam asa ngiatte ih hihmanin a thupi minam ih hihi.


Tutung Zomi Cup Malaysia kimawlna ah thangah huai mahmah in etlawm mahmah hi. Zomite ih kipum khatna kilang semsemin mite muhna ah zong thupi ngiat hihang. A kimawl bekbek 800 val bang kipha in a thapiate tawh sim leng tawm vetlo in tualpi dim miamua in etlawm mahmah a Zogam hong phawk sak mahmah hi. A kimawlte mahmah zong itna lumgsim nei ngiat in hahkat tinten in ahihhangin kilungduai thei mahmah hi.

Zomi hih zah tak kipum khat thei cih mawk pen Zogam bup a kipum khat danin ka tuat pah a kilung muang mahmah in kikha muang mahmah hi. Kei tawh pangkhawm ding ka mipihte hizah tak om ci'n ka lungnuam mahmahin zong ka Zomipihte kong muang takpi hi. Tutung Zomi Cup a hong kihello khuate zong a utlo hiloin asuiding kicinglo maw ahikei leh vaidang hang a suitheilo maw cih ciang bek hi a ei tawh pangkhawm nuamlo hi peuh mahlo uh ahihmanin thangah huai mahmah hi.

Zomi Cup Malaysia thupi mahmah hi. A vaihawm ZAM makaite zong thupi semsem in nungzui mipiten zong thumang thei mahmah a Zomi Cup tungtawnin kipum khatna piangkasa a thupi kasa mahmah hi. Mailam ah zong hanciam khawmin mapang khawm toto lai leng ih langah kuamah ding zolo ding hi. Zomi Cup Malaysia thupit kasakna tungtawnin ka thangahna tawm hong hawmsawn hi-ing.

Zomi ka hi hi.
Suanno
Malaysia
HP:017-6402338
http://semkhawm.blogspot.com/

Nothing is impossible for Jesus

 


Comments




Leave a Reply