WWW.TUNGZANGNEWS.COM

 
Lawmte,
Zomi khangthu a om ngei nai lo, om thei ding a zong i up ngamloh phial....India gam Lamka khuapi pansan a kiphuan Zomi Football Club(ZFC) in 1st Bhuatan CFC Foundation Cup, 2014 Champion hong ngah in March 18,2014 ni in Lamka hong tung uh hi. ZFC in Bhutan pan cialna a ngah bangun va kuan uh a, amasa in United Kuersong FC kisui uh a 2 - 1 in zo in, a zomin Kolkata pan Dr Ambedkar FC tawh kisui uh a 6 - 0 in zo uh a, Semifinal ah Kolkata pan Sport Authority of India(SAI) tawh kisui uh a, 2 - 2 kikhum in pelnalty ah ZFC in zo hi. Final pen Himalayan FC of Sikkim tawh kisui uh a, 1 - 0 in ZFC in zo hi. Halleluijah !

Champion Cup tawh ZFC te Imphal hong tunin Pu T. Phungzathang, Pu V Vungzagin, Pu Ginsuanhau leh milian tuamtuamin na vaidawn uh a, tua zawh in Tedim Road tawnin Lamka hong zuan uh a, Kangvai khua (Moirang leh Lamka gam kigitna mun, 15 KM from Lamka khuapi) ah Kangvai khua a teng Vaiphei-Zomite leh Lamka pana kipan car, motorcycle 200 valin thupi takin na dawn uh a, nasia leh thawmngaihtak tawh Lamka khuapi kimkotin hong tung uh a, mipite in veng tuamtuam panin thupitakin na muak uh hi. Kalaisai!

Lamka Bawlung Tualpi kiangah kinga in a kianga Yong Paite Assn General Hdqtr Hall-pi ah vaidawn kikhopna Member of District Council te makaihin kibawl hi.MDC lama kipan vaidawnna thupitak neihzawh in ZFC Chairman Pu Kiamlou Guite, ZFC Manager Pu Robert Sian Mung leh ZFC Coach Pu Lemlal ten thugenna/report pia uh hi. ZFC thupi pen "In God We Trust" cih ahih bangin Pasian thupha takpi hi, cih pen makaite thugen tam pen hi. Praise the Lord!

Tutung Bawlung suih kidemna ah Bhutan gam sung panin Club minthang 8 leh India pan Club 8 kihel hi. ZFC Captain ahi Hau Suan Pau in 'Man of the Tournament' hihna ngah hi. Tournament thaman pen India Rs 1,00,000/- leh Champion Cup hi. ZFC pen Manipur leh North East India ah min nei ta ahih manin Bhutan gamin hong cial ngiat ahi hi. Mabanah Nepal gamin zong ZFC te amau gam Tournament a kihel dingin cial khin zo hi. Bhutan a om sungun Zomi kimawlte in a kisuihna kima Zomi hunkhoptak leh missionary sem a om Pastorten thungetna na neihpih tawntung thei uh hi.

Zomi itna takpi tawh,

Dr Neng Ngaih Lian
Adviser, Zomi Youth Assn General Hdqtr., Lamka
 


Comments

11/07/2014 6:31am

If you're looking for sexy young escorts.

Reply



Leave a Reply