WWW.TUNGZANGNEWS.COM

 
Byhai Khup
2014 FIFA WORLD CUP

Champion - GERMANY
Runner up - ARGENTINA
3rd - NETHERLANDS
4th - BRAZIL

Golden ball - MESSI
Silver ball - MULLER
Bronze ball - ROBBEN

Golden boot - JAMES
Silver boot - MULLER
Bronze boot - NEYMAR

Golden glove - NEUER
Best young player - POGBA
FIFA Fair Play trophy- COLOMBIA

Brazil gam Rio khuapi Maracana bawhlong tualpisung ah leitung ah bawlong kimawl siampen gamnihte Germany leh Argentina, 2014 FIFA WC champion ding kituh in asiamtawp un hong kimawl zialzial uh a full-time (minute-90) sung langkhat leh langkhat goal kikhum zolo in hongkidin  uhi. Extra-time hong kimawl leuleu uh a, extra-time second half kipatkhit deuh in WC tangthu ah goaltampen pa (goal-16)  Klose laih a honglut tangval melhoih Mario GOTZE in kamphat na tawh goalkhat (Golden goal) hongkhum a, champion GERMANY ci in bawhlong en mipi te ki awng ziahziah mai hi..

World Cup 4vei champion Germany

Tu WC ah Germany in champion hongngah na hang in WC tangthu ah a gualzo pen Brazil (5vei champion) zom ah Germany ten champion 4vei (1954, 1974, 1990, 2014), runner up 4 vei, 3na 4vei tawh agualzo pen nihna hongngah uhi. Amau zom ah Italy te champion 4vei leh runner up 2vei ngah uhi....

Germany mikhat leh Italy mikhat WC agualzo zaw kituh

Tu WC final kimawl madeuh in Brazil gam Rio khuapi ansai khat ah Germany gammi khat leh Italy gammi khat, WC ah ko Germany gualzo zaw, ko Italy gualzo zaw cihtawh hong kikamsel uh a, a tawpna ah German pa in Italian pa vatlumsuk ziau cimawk hi. A taktak inbel Italy champion 4vei leh runner up (nihna) 2vei, Germany champion 3vei leh runner up 4vei hi a Italy te a gualzo zawmah ahihi. Tunbal kikamsel kul nawnlo in a gualzo pen Brazil zom ah Germany (Italy sang'n gualzo zaw) hong hiphot hi....

Germany champion a hihna hang in inntek Brazil gambup lungdam

Inntek Brazil tezong champion ding a kimuangpen khat himah leh semi-final pan Germany in hong pikkhia ziau uhi. Amau lamet na a suksia sak  Germany te muhdanbawl, galbawl, langbawl lo uhban ah Brazil gammi a tamzaw thamtham in Germany thapia uh cihi. Germany in a zawhna hang in Brazil gammi ten gualzawhna/ lungdampawi nasia tak bawl uh cibeh laihi. Brazil gammi khat in a genna ah "A zenzen in Argentina champion hileh leitung beimasiah hong phinphin, hong koko, hong toto ding uhi, Germany in a zawhpen ka lung uh damlua mahmah hi" ci geugau zen hi. Brazil leh Argentina pen kigamveng/ vengtakhat himahleh ei theihloh kal in Pele leh Maradona, Neymar leh Messi vaitawh a vengta in a na kiphinphin kitoto hituak uhhi....

Argentina leh Messi

Leitung ah a minthangpen khat ahi Messi i Argentina tebel amau siamna tawh kituak in nihna hongngah uh a, amau ading in lungkim huai mahmah cihding hi. Messi in Golden ball (Best player of the tournament) hongngah behhi. Messi in agen na ah "Golden ball ka ngah hang in tutadih ka lungdam zonaikei, kei i siamna pen kei mimal ading bek sang in ka gam ading ka hisak masanuam zaw hi" cih gen hi..

Tangthusia tangthuthak tawh alaihzo Germany

WC tangthu ah North leh South America Continent gamte ah WC a kibawlsim in Europe gamte champion zongiatlo ci uhi. Tu Brazil WC ah Germany in gualzawhna hong ngahna hang in North leh South America Continent sung ah Europe gampan champion ala masapen GERMANY cih minphat nakhat hong ngahbeh uhi....

World Cup hang in nupa kikhen tam

Zogam khit ah Zomi te atampen i omna gamkhat ahi Malaysia gam ah nungkha leh tukha sung a kitengthak gammi 75% kikhen kik uh cimawk hi. A hang akan uh ciang in a pasal te in zanthapai WC en in, sunsung nasem uh a ihmut ciimlo, thazawm thabei uh a, zi te lungulh/ zi te duh piazolo uh a hihman in kikamsel kitawng kikhenna tawh kizom hi ci uhi. Ei Zomi sung ahbel ki it ki ngai a kiteng kimlai WC hang in kikhenlawh liangbel om in umkei hi. Zomi numei tepen pasal te ukna khat tha a piasiam/ telsiam te i hihman zong a hihi...

WC kimawlna omlo hileh World War III piangkhin ding

Leitung ah hih World Cup bawhlong kimawlna omlo hizenzen leh leitung galpi thumna piangkhin ding a leitungpi vut leh vai suakkhin ding hi cih mipil pawlkhat in gen uhi. WC thunei FIFA zongpen gamkhat leh gamkhat a lemtuah a hi UNO nangawn in  phanawnlo zahdong in vanglian in gualzo uh cihi. WC kimawlna in minamkhat leh namkhat, gamkhat leh gamkhat hong meltheisak in, hong ki zahtaksiam sak a, leitung galgiim khempeuh siangsakzo a hihman in WC omlai teng leitung galpi thumna (World War III) cihbang omlo ding ci uhi.....

Champion ten sum hawm ziahziah

Champion Germany in champion a hihna hang in US$35mil (US$ tengh zathum leh tengh sawmnga) ngah uh hi. Tuaban ah champion hizawh nading in hanciam tak a kimawl tangval/papi laa kimawlsiam mimal 23 teng, mikhat ciang in US$408K (US$ tengh li leh tulgiat) tek Germany kumpi in bonus in piading ci uhi.....kawlgam sum in naktam ding hiven.....

Champion GERMANY te lungdam pih hang ei...

Genkhial leh lungsim tawh kituaklo omleh na theisiam mai o...

 


Comments




Leave a Reply